Ёфкс
Куватьс моли кельмода меле прась ловсь. Врьгазсь сргозсь, лиссь кяшема вастстонза и кепотьф шалхкса никсазе кожфть.
— А-а-пчхи! — кайгиста кшнясь сон.
«Афоли сузокстомонь тялонь кожфти?» — арьсесь кувака пулось. Варжакснесь перьфпяльге и тусь акша ловса ацаф вирьге. Сяльде лоткась, шарфтсь и ванозень пильгокинзон. Сят, бта печатть путневсть мельганза.
— Эге, — мярьгсь эстейнза врьгазсь, тяфта мон, пожалуй, сембонди эсь прязень няфтьса.Пелькс ськамон якамась-шяямась, мумс эряви ялга.
А кинь вешема ялгакс, сянь аф курок смеказе. Сяс озась лапотмакс пулонц лангс и тага арьсезевсь. Но кинь аф лятфтасы — аф ярашты. Или сонць киньге обжазе, или сят сонь шалхкта вятнезь. Ётась мзярошка, марясы, кие-бди крнай. Стяфтозень пилензон, аськоляй саворне, кажелфкацка аш. Маладсь веляф пичеть тейс и шарьхкодезе — сонь юронц ала кие-бди уды ловть потмоса. Никссезе-тиезе тоста лиси шиньфть, талакодсь: офта. «Улема, мокорь пряти сатомшка повондсь исяк сивольняда, — арьсесь врьгазсь, — сясы якшамтьке аф марясы».
— Офта ялгай, а офта ялгай, — ушедсь утоть вельхксса врьгазсь.
— Кр-кр-кр… — аньцек и кулевсь тоста.
«Трескась топодемс и крнай, — мярьгсь врьгазсь, — олгсовок тяни аф стяфтови».Мусь байдек, тонгозе ловса вельхтяф марти.
— О-ох, ух, кие тоса? — кизефтсь уды офтсь.
— Мон тя, мон, — эняльгодсь врьгазсь. — Стяка, арак тейне ялгакс.
— Ся кода стане арамс тейть ялгакс? — кеподезе прянц офтсь.
— Марса тутама якама-шяяма, пови мезе-мезе пей алонк — борання или вазняня.
— Месендян сивольцень мархта, монць куяда пяшксян. Тундати саты, — и офтсь шарфтсь омбоконц лангс.
— А, пади, медня пови, — ашезе када сонь врьгазсь. — Нешке пере содан тя маласа. Мольхтяма тоза. Антте медьта, а сяльде тейне киньге карда кенкшенц яжасак, и мон салан эстейне борання.Офтть мяльс медсь тусь, кле, ся афоль шоря, ярхцамда меле удат сядонга кемоста. Сяс кода-аф кода стясь, шукадезе камбаряф понанц и мярьгсь:
— Аре ина, врьгаз ялгай.
Мольсть синь шуфттнень ёткова куватьс. Курок няйсть фкя куженять кучкаста кудня. Панжезь кенкшенц и сувасть. Ваныхть, тяса кие-бди эряй: кроватське ацафкя-урядафкя, куднясовок лямбе пожфкя. Шарозь сембе аксялхнень, седялть, а куштаф шта пакшкада башка мезьге исть му. И тя пингть — кшт — тяза сувась уле нумолсь. Сон валхтсь лафтубрястонза пяшксе кяскав и путозе кияксти. А кодак лац-ряц приметазень инжиензон,
мянь сельмонза лиссть полдакс, пилензонга вадезень, бта сяконь и учсь: вов-вов конацка эздост фатясы и весть каподезь нильсы.
Васенцекс пшкядсь врьгазсь:
— А-а, кичкор мадя, ширем марь, сивить сембе меднять и тяни пульхкат! Эцек кургозон, весть нилезь нильхте.
— А мезе кяскавсот каннят, аф медь лагуння? — шоворсь корхтамати офтсь.
— Учань палня и медь боцькяня, — ёлождозь пшкядсь нумолсь. — Мон бта содайне, што инжихть угадяйхть пялон.
— Палсь тейть аф пейс коре, — мярьгсь шава пеке врьгазсь, — сяс макск мондейне.
— А медть мондейне, — фатязе офтсь. Кафцьке уромсть кяскавти. Но кодак юксозь кургонц, тоса аф пал, аф медь боцькяня ашесть няе. Тоса ульсть аньцек поювонь суднят да варсибал тишенят.
—А-а, нинге васькафнят! Тя кодама учань пал! — ювадсь врьгазсь, мянь сялдазсонза понанц стяфтозе и пейнзон кальхцядезень. Офтське кати-мезе мторгодсь, сявок, няк, кяжиясь, хоть и топоцьтоль. А нумолсь прянц паронфни:
— Пежетьтоба, мезнявок аф васькафнян! Тяста аньцек тусь нешке перень ваны атясь.
Копорьсонза кандсь кафта кяскафт. Фкаса учань пал и медь лагуння. Мольсь, мольсь сон, сизесь и лоткась ваймама. А кодак шоподезевсь, фкя кяскавонц и ворьфтине. Но, няк, повсь аф ся…
— Мон тейть няфтьса аф ся, — врьгазсь низелфтозень пеензон и ёразе фатямс нумолтьсивода.
— Тямасть сиве, монцьке васькафтовонь, — эняльгодсь нумолсь. — А ся кяскавсь сяка тинь ули. Аряда мархтон эряздоне, сатсаськ нинге ся атять. И синь тусть, нльне кенкштьке ашезь сёлга мельгаст — сяшкава эряскодсть. А врьгазсь оль гразсесь:
— Ну, ширем марь и кичкор мадя, аньцек васькафтомасть — весть нилезь нильхте.
Трнаткшни нумолсь сяконь и ванондсь: кода ба юркштадемс ситерьксти, штоба аф повомс врьгазонь пейхненди васькафнеманц инкса. Но кой-мзярда нумолтьке аф ётнесы павазсь. Аньцек лисезь вирть, ваныхть, паксянь киге
саворне аськоляй аля. Афкукс, копорьсонзоль кяскав.
— Нява сон, — тошкась врьгазть пилес нумолсь. — Сатсаськ аряда. Мон сонь васькафтса шири, а тинь ся ёткова эсь тевонтень содасть.
Нумолсь тусь ардозь инголи. Ётась алять вакска, тага ардсь мзярошка и венемсь кить кучкас. Пачкодсь малазонза алясь, лаподезе мастору кяскавонц и ёразе кундамс нумолть. Кле, кодама-бди охотник ранендазе, а тяни урадсь. Но нумолсь эстокиге нулхтадсь и кокольдезь тусь шири. Алясь кармась панема мельганза. А офтть мархта врьгазсь тяконь и учсезь: фатязь кяскавть, и лятфнек, кодаль лемсна. Ардыхть фкя-фкянь мельге, фталувок аф варжакснихть. Кажнайть ни аноконди сельгонза шудихть. «Тяни топодемс матнян учань сивольда», — арьси врьгазсь. А офтсь арьсесь, кода сявсы медь лагуннять утозонза и тоса мле кармай нолштыема. Пачкодсть вирь трвати, офтсь лаподезе кяскавть, и бта пеельса керовсь сонь бокоц, — инголест пяярсть плотниконь инструментт. Улема, алясь якась ковга кудонь тиема, а тяни мрдась эсь кудозонза.
— Коса ширем марьсь?! — кяждонза рназевсь врьгазсь. — Тага васькафтомазь!
— У-у, мушка пула, шава пря! — уркстозе офтсь врьгазть. — Кулхцондыхтень тонь, тапань тняра вайгяльбе. Ворьть тя маластовок, мзярс ашине яжа ирдеснень!
И тяда меле врьгазсь и офтсь фкя-фкянь шири лоткасть якамда. Тянемс аф васьфнихть. А нумолсь прявок аф няфни теест, аньцек салаване пеетькшни лангсост, кода тяшкава маштсь васькафтомост.
— А-а-пчхи! — кайгиста кшнясь сон.
«Афоли сузокстомонь тялонь кожфти?» — арьсесь кувака пулось. Варжакснесь перьфпяльге и тусь акша ловса ацаф вирьге. Сяльде лоткась, шарфтсь и ванозень пильгокинзон. Сят, бта печатть путневсть мельганза.
— Эге, — мярьгсь эстейнза врьгазсь, тяфта мон, пожалуй, сембонди эсь прязень няфтьса.Пелькс ськамон якамась-шяямась, мумс эряви ялга.
А кинь вешема ялгакс, сянь аф курок смеказе. Сяс озась лапотмакс пулонц лангс и тага арьсезевсь. Но кинь аф лятфтасы — аф ярашты. Или сонць киньге обжазе, или сят сонь шалхкта вятнезь. Ётась мзярошка, марясы, кие-бди крнай. Стяфтозень пилензон, аськоляй саворне, кажелфкацка аш. Маладсь веляф пичеть тейс и шарьхкодезе — сонь юронц ала кие-бди уды ловть потмоса. Никссезе-тиезе тоста лиси шиньфть, талакодсь: офта. «Улема, мокорь пряти сатомшка повондсь исяк сивольняда, — арьсесь врьгазсь, — сясы якшамтьке аф марясы».
— Офта ялгай, а офта ялгай, — ушедсь утоть вельхксса врьгазсь.
— Кр-кр-кр… — аньцек и кулевсь тоста.
«Трескась топодемс и крнай, — мярьгсь врьгазсь, — олгсовок тяни аф стяфтови».Мусь байдек, тонгозе ловса вельхтяф марти.
— О-ох, ух, кие тоса? — кизефтсь уды офтсь.
— Мон тя, мон, — эняльгодсь врьгазсь. — Стяка, арак тейне ялгакс.
— Ся кода стане арамс тейть ялгакс? — кеподезе прянц офтсь.
— Марса тутама якама-шяяма, пови мезе-мезе пей алонк — борання или вазняня.
— Месендян сивольцень мархта, монць куяда пяшксян. Тундати саты, — и офтсь шарфтсь омбоконц лангс.
— А, пади, медня пови, — ашезе када сонь врьгазсь. — Нешке пере содан тя маласа. Мольхтяма тоза. Антте медьта, а сяльде тейне киньге карда кенкшенц яжасак, и мон салан эстейне борання.Офтть мяльс медсь тусь, кле, ся афоль шоря, ярхцамда меле удат сядонга кемоста. Сяс кода-аф кода стясь, шукадезе камбаряф понанц и мярьгсь:
— Аре ина, врьгаз ялгай.
Мольсть синь шуфттнень ёткова куватьс. Курок няйсть фкя куженять кучкаста кудня. Панжезь кенкшенц и сувасть. Ваныхть, тяса кие-бди эряй: кроватське ацафкя-урядафкя, куднясовок лямбе пожфкя. Шарозь сембе аксялхнень, седялть, а куштаф шта пакшкада башка мезьге исть му. И тя пингть — кшт — тяза сувась уле нумолсь. Сон валхтсь лафтубрястонза пяшксе кяскав и путозе кияксти. А кодак лац-ряц приметазень инжиензон,
мянь сельмонза лиссть полдакс, пилензонга вадезень, бта сяконь и учсь: вов-вов конацка эздост фатясы и весть каподезь нильсы.
Васенцекс пшкядсь врьгазсь:
— А-а, кичкор мадя, ширем марь, сивить сембе меднять и тяни пульхкат! Эцек кургозон, весть нилезь нильхте.
— А мезе кяскавсот каннят, аф медь лагуння? — шоворсь корхтамати офтсь.
— Учань палня и медь боцькяня, — ёлождозь пшкядсь нумолсь. — Мон бта содайне, што инжихть угадяйхть пялон.
— Палсь тейть аф пейс коре, — мярьгсь шава пеке врьгазсь, — сяс макск мондейне.
— А медть мондейне, — фатязе офтсь. Кафцьке уромсть кяскавти. Но кодак юксозь кургонц, тоса аф пал, аф медь боцькяня ашесть няе. Тоса ульсть аньцек поювонь суднят да варсибал тишенят.
—А-а, нинге васькафнят! Тя кодама учань пал! — ювадсь врьгазсь, мянь сялдазсонза понанц стяфтозе и пейнзон кальхцядезень. Офтське кати-мезе мторгодсь, сявок, няк, кяжиясь, хоть и топоцьтоль. А нумолсь прянц паронфни:
— Пежетьтоба, мезнявок аф васькафнян! Тяста аньцек тусь нешке перень ваны атясь.
Копорьсонза кандсь кафта кяскафт. Фкаса учань пал и медь лагуння. Мольсь, мольсь сон, сизесь и лоткась ваймама. А кодак шоподезевсь, фкя кяскавонц и ворьфтине. Но, няк, повсь аф ся…
— Мон тейть няфтьса аф ся, — врьгазсь низелфтозень пеензон и ёразе фатямс нумолтьсивода.
— Тямасть сиве, монцьке васькафтовонь, — эняльгодсь нумолсь. — А ся кяскавсь сяка тинь ули. Аряда мархтон эряздоне, сатсаськ нинге ся атять. И синь тусть, нльне кенкштьке ашезь сёлга мельгаст — сяшкава эряскодсть. А врьгазсь оль гразсесь:
— Ну, ширем марь и кичкор мадя, аньцек васькафтомасть — весть нилезь нильхте.
Трнаткшни нумолсь сяконь и ванондсь: кода ба юркштадемс ситерьксти, штоба аф повомс врьгазонь пейхненди васькафнеманц инкса. Но кой-мзярда нумолтьке аф ётнесы павазсь. Аньцек лисезь вирть, ваныхть, паксянь киге
саворне аськоляй аля. Афкукс, копорьсонзоль кяскав.
— Нява сон, — тошкась врьгазть пилес нумолсь. — Сатсаськ аряда. Мон сонь васькафтса шири, а тинь ся ёткова эсь тевонтень содасть.
Нумолсь тусь ардозь инголи. Ётась алять вакска, тага ардсь мзярошка и венемсь кить кучкас. Пачкодсь малазонза алясь, лаподезе мастору кяскавонц и ёразе кундамс нумолть. Кле, кодама-бди охотник ранендазе, а тяни урадсь. Но нумолсь эстокиге нулхтадсь и кокольдезь тусь шири. Алясь кармась панема мельганза. А офтть мархта врьгазсь тяконь и учсезь: фатязь кяскавть, и лятфнек, кодаль лемсна. Ардыхть фкя-фкянь мельге, фталувок аф варжакснихть. Кажнайть ни аноконди сельгонза шудихть. «Тяни топодемс матнян учань сивольда», — арьси врьгазсь. А офтсь арьсесь, кода сявсы медь лагуннять утозонза и тоса мле кармай нолштыема. Пачкодсть вирь трвати, офтсь лаподезе кяскавть, и бта пеельса керовсь сонь бокоц, — инголест пяярсть плотниконь инструментт. Улема, алясь якась ковга кудонь тиема, а тяни мрдась эсь кудозонза.
— Коса ширем марьсь?! — кяждонза рназевсь врьгазсь. — Тага васькафтомазь!
— У-у, мушка пула, шава пря! — уркстозе офтсь врьгазть. — Кулхцондыхтень тонь, тапань тняра вайгяльбе. Ворьть тя маластовок, мзярс ашине яжа ирдеснень!
И тяда меле врьгазсь и офтсь фкя-фкянь шири лоткасть якамда. Тянемс аф васьфнихть. А нумолсь прявок аф няфни теест, аньцек салаване пеетькшни лангсост, кода тяшкава маштсь васькафтомост.
Жанр: Сказка
Автор: Владимир Корчеганов