Вирень базар

Кучемс мирденц-азоронц
Офторясь весть арьсесь.
Вирень оцю базару
Кептерензон марсесь.
Синь фкя лямбе кизоня
Медьта лама «фатясть».
Тяни атяц эрь шиня
Мишендема якась.
Азоравать мяльс тя тусь,
Ярмаконят луви.
Мезе кандомс базару
Кудсост фалу муви.
Марась салунят -куярхт
Помидоратневок пархт,
И шурьхкятне, и пурьхкятне,
Тага танцти капста прятне.
Куфци мирдец «ой» да «вай»!
Вихца седялу сувай.
Сяльде офторяти маладсь,
Корхтай: «Копорезе каладсь,
Оду тонць архт базару,
Мон эсь лангсон азоран»..
Апак маряк ётась сёксесь,
Ашезь кенерь ловське прамс,
Оду базару исть яксе,
Сяс мес седялсна синь шамсь.