Вень ефкс

Марлють пряса тага лакси
Мазы моронянзон цёфкссь,
Бабац цёрокшть вастканц ваксса
Луви мокшень ёфкс.

Припевсь:
Перьфке палыхть пяштень товнят –
Менельсь - мокшавань сюлгам,
Велеть вельхксса ару ковнясь, –
Менельсь щась илядень щам



Тотнай сединяц и шави,
Бабанц кирдель пяле вес,
Аньцек кулхцондомс аф сави
Пара ёфкскясь педа-пес.

Припевсь.

Аф тият ни тяса мезьге -
Пряняц тодунять люпштай,
Цёрокшть кажнай саннянц эзга
Танцти оннясь сай и caй.

Припевсь.

Пади, ёфкскять эса ваны,
Няи отькорь нумолнят,
Бта переста сон канды
Теест ламбама пурьхкат,

Припевсь.

Шобда весь ляй лаца шады,
Ковнясь мады – шабась стяй,
Эста содасаськ минь, пади,
Кодам оння тячи няйсь.

Припевсь.

Мокшень цера, морак мора

Мяльне валтт и седись морай,
Панжи шачем ширсь.
Ладяк мора, мокшень цера,
Токак ваймонц стирть.

Припевсь:
Мокшень цера, морак мора
А мон тейть кштиян.
Кда морось седи токай,
Тейть рьвакс туян.

Вальмалон катк гитарась
Морай эрь шиня.
Сонь струнанза-сюролданза
Тапасть сей киня.

Припевсь.

А гармошкась морай мокшекс,
Котьфти стирень ёнь.
Тяни мон вальмала арьсян,
Кода васьфтемс тонь.

Припевсь.

Нолдань поза, пицень пачат,
Надиян, суват
Озат валда уженяти,
Мирдекс тейнь улят.

Припевсь.