Удомань мороня

Шуфттне удыхть,
Панчфне удыхть,
Кукусь аф кукай.
Удок, унок,
Мазы ефкскясь
Онозот катк сай.
Баю бай, баю бай…

Уды сокайсь.
Паксясь уды,
Шобдась сельмот стай.
Ванды пялонк
Козя сексесь
Казне мархта сай.
Баю бай, баю бай…

Менельсь уды,
Тяшттне удыхть,
Вармась аф уфай.
Удок, унок,
Ванды павазсь
Кудозонк сувай.
Баю бай, баю бай…

Топось уды,
Уды някась,
Кивок аф шумнай.
Удок тонга,
Мазы стирня,
Валда онць тейть сай.
Баю бай, баю бай.