Туця

Мон ульцяв лисень, вельхкссон туця,
Кати-коста сонь панезе вармась.
Курок комачавсь марнек ульцясь,
И мон мархтонза корхнема кармань:
"Шобда сенемняй, мазы руцяй,
Равжа томбакс мянь менельтьке архтыть,
Ожка эняльдян вестьке, туця,
Моньге сявомак, сявомак мархтот.
Тяса, няйсак, аф тёждя. Кульсак?
Кати-ков мон юмафтыне кизень;
Аньцек шнакшнине эряфть исяк -
Тячи сяшкава эздонза сизень!"