Цебярь строчка

«Ава няян, няян ава!»
Пяк ни мялезон тя строчкась.
Меколангть лувса и тага,
Тяка валхнень эса кочкан!

  Няян ава, ава няян.
Ков аф ванан, няян ава.
Онцтон няян, кда стяян.
Маряк, ёфси прязе шава?

Кда одня, кда мазы,
Кда мзолф тейне кази,
Эсток сардонякс крьвязян,
Мяленц колсеса рьвязень.

Но рьвязе тожа ава!
Сялги эсон сельмованфса:
«Разве ава тя? Тя сява!
Аньцек юбка сявать лангса!»

Тон, рьвяй, тят сюце эсон.
Мархтот молян фкя кинява.
Келькте тонь, лия аф вешан,
И мзярдонга аф яван.

Сетьмок, ваймак, кельмок, точка!
Тон аф сяват! Мазы пават!
Ёнюняй, тя аньцек строчка:
«Ава няян, няян ава!»