Таргаф пей

Тячи таргафтыне пеезень.
Ламос сон эсь тевонц тиендсь!
Кургсон пиндолдсь, кда пеедень.
Кда эрявсь, няфнесь виенц!

Сускондсь сивольхть,
Пакарьхть поренкшнесь,
Ярхцамбяльда шовась лама.
Меле сярятькстсь, теень горянди,
Стане сярятькстсь, таргозьфтсь шама!

Кда пейцень аш ни толокоц,
Кда эсот аньцек муцси,
Эста лездыхть стоматолокне,
Синь работа стаки учсихть.

Ётнян эряфозень — паксязень,
Пеняцян аф тёждя кити:
Тага, няк, аф оцю пакшкязе,
Эздон ётась тонашити…