Сёксень азор

Аф лажнай кизось: лац ётась пингоц,
И сёксесь азоркс ширезонк сась.
Сась, ашезь кизефне ёфси киньге
И зарянь паляса вирьхнень щась.

Но шуфттне кеняртькшнесть прокс аф ламос,
Эзк вармась ронгонязост кундась,
И шуфттнень каряньфнесь пяляз ваймось,
И галош кадозень мянь тундас.

А тонат салава аньцек пичедсть,
И мезе аерась эздост вешсь?
И пара сянгяряль вакссост пичесь,
И пижесь визьксснон аф ламода кяшсь.

Пряц пичеть тёганьца, сатсы менельть,
Сонць тошкай келути лямбе валхт,
А пади, келунязе, тон тяни
Мондейне, пичети, молят рьвакс?

Кунара ванондан аньцек мельгат,
Мон ронгцень вармада идеса.
А келусь тошкай: «Мон ушторть кельган.
И прязень киндиге аф миса».

И тага равчкоды ёфси менельсь.
Сон марнек кяши туцятнень ёткс.
И шиське тоста куватьс аф мяни,
И пиземсь аварди вельф ся ёткть.

А каркне, мацихне тусть кунара,
Тусть лямбе шири, ся эряфть шнайхть.
А тоса ширезост аяш арай,
И шачем крайнязост меки сайхть.

Шять, кизось лямбоня нинге казель,
Но сёксесь якай ни кепотьф прят.
Ужяль пяк, ськамонза тяни азор
Перьфпяле. Мезевок аф тият.