Сотомазь панчфне

Сязеть лугаста весть мазы панчфкат,
Казить — мон сявине — мезе тият.
Лямбоня кода ульсь сельмованфце:
Стама пяк павазу ши аф муят.

И сяда меле няезе велесь,
Васедемс мушендоть мархтон туфтал.
Вакска аф ётамс, седиень токамс,
Азомс тондейть мазы, кеняртьфти вал.

Вай, кода курок седизе солась,
Ламос аф няйхте — эсон урма,
Тяни кинь лангска мон тонь аф полафтан,
Миндейнек марса фалу улема.

Коза тюрьфтьсамак –тоза ни молян,
Саламазь кельгомась, салай минь весь...
Аньцек ни киндиге сон афоль колав,
Ламоняс, ламоняс — эряфоньбес.

Марян трватнень инезинь таньфснон,
Марса минь павазу тяштенять муськ,
Кали ни сотомазь ся лугань панчфне,
Конатне сяшкава мялезон тусть?!