Павазонь крандаз
Аф кунара шачема велезон ардомста пяле кить ётайне поездса, эрявсь нинге ардомс автобусса. А сон коль ашель и ашель. Учсида эздонк аф ламоль, ломаттне афи эряскодсть. Кенордань аньцек мон – кунара ашелень кудса, да нинге фкя ёмла цёрокшкя, кона сяка тев малаткшнесь бабанцты и авардиень вайгяльса кизефнесь:
– Мзярда куду тутама?
– Курок, курок, уноконяй,– басясь бабась ёмлать. – Учт нинге аф ламос.
Шабать кизефксонц ёрань максомс вокзалста билетонь мишендити. Сон мокшаваль, сяс и пшкядень эсь кяльса:
– Шумбрат! А автобуссь курок туй?
– Ждите, будет! – кода-бди уркстозь мярьгсь мокшавась рузкс.
Мон тага мрдань автобусонь лоткама вастти. Цёранять удомац сась, сельмоведенза лангу лиссть.
– Эрь, эрь ни. Тят ноля начкт. Сак ёфкскя азондан, – басясь уноконц бабанясь.
Уноксь ноласта мольсь сиреняти, куцсь элезонза, нежедезе прянц коськана мяштенцты. Сетьмось. Сиренясь ушедозе ёфксонц.
Кунара, кунара, мзярда мокшетне эрясть туста вирь потмоса, крхка и ару ляй трваса, ульсь пара обуцясна. Мзярда нинге ичкозель кельмотненди, а утопне пяшксетольхть сёксень козяшида, кильнезь инь вии лишмоснон од, панчфса наряжаф крандазс. Озафнезь тоза инь мазы стирть и таза цёрать, кучсезь синь ломаттнень эряма вастоваст. Мархтост путнесть медень пуре мархта шувамня, калацят, калхт, медь, кяскавса пяштть и мазы каштаст.
И вов тя крандазсь панцевсь велеста велес. Стирсь цёрать мархта оцюфнень каванякшнезь пуреда, калаця мархта медьта, од стирьхненди казендсть мазы каштаст, а ёмлатненди пяштть. Мянь ловть прамс синь арнесть мокшетнень эряма вастоваст, а крандазсна стаки изь шамонда. Тя сяс, мес эрь велеса павазонь крандазть ломаттне васьфнезь казне мархта. Каннесть синь инь танцти ярхцамбяльхть, щапт-месть, сюконязь венепнезь стирти да цёрати. И мзярс арнесь павазонь крандазсь мокшень модать ланга, ашельхть велева вачедот, кяпе якайхть, сембе морсесть мазы морот, азондсть павазу пе мархта ёфкст.
Сембе учсть павазонь крандазть, аньцек афолезь няе сонь Пелькссь, Рдазсь и Кяжсь. И вов синь пуромсть весть крхка лотка потмаксс и ушедсть арьсема: кода саламс, кода машфтомс павазонь крандазть? Ламос арьсесть, мезьге изь сашенда прязост. Эста Кяжсь мярьгсь: – «Мокшетнень пяк ляпе седисна, эрявихть синь васькафтозь сяськомс.
Сяльде тошказь азондозе, мезе эряви тиемс.
Учезь сёксеть Пелькссь, Рдазсь и Кяжсь, наряжасть анцинякс и тусть киге якама, павазонь крандазть вешендема.
Ламос якамс тейст изь сав. Сяс, мес мзярда срхкафневсь кис павазонь крандазсь, тя кулевсь ичкози-ичкози. Лишмоть лангс повфнефоль сиянь и зрнянь лама пайгоняда, конат азондсть перьфпяльти павазть маладоманц колга.
Арасть кить кучкас Пелькссь, Рдазсь и Кяжсь, учихть. Цёрась лоткафтозе лишмоть ёфси ваксозост, ювадсь весяласта:
– Коза срхкаде, ломатть? Мезе пильгонтень тапатада? Озада мархтонк, пачфттядязь. Сияк ёрдасть сязентьф щамонтень, тяса отт улихть. Симода пуреда! Топодемс ярхцада и мархтонт, мзяра кандови, сявода.
Пелькссь, Рдазсь и Кяжсь тяконь и учсесть. Куфцезь озасть крандазти. А мзярда цёрась айдязе лишмоть, Рдазсь ёрдась цёрать сельмос пульса. Мзярс сон шовсесь сельмонзон, сяряфтозе крандазста. Кяжсь сотнезень эчке пиксса стирть пильгонзон и кядензон. А Пелькссь керозе локшеса лишмоть и шарфтозе ичкоздень мастору, паксянь эряйхнень, хаттнень-ногайхнень шири.
Аньцек пачкодсть пефтома паксятненди, павазонь крандазть кружазь ногайхне. Пельксть, Рдазть и Кяжть, мокшень стирть Варунять мархта вятезь оцюняснонды.
Кодак няезе ногайхнень оцюнясна Варунять, нльне кяжензон юкстазень, кизефтезе ляпе вайгяльса:
– Коста сатада? Коза мольхтяда? Варуня валня изь аза. Сянкса Пелькссь, Рдазсь и Кяжсь ушедсть прянь шнафтозь азондома.
Кле, туста вирьхнень потмоса, ару и крхка ляйхнень трваса эряйхть мокшетне. Козяшидост синь пяк и пяк лама. А стирьсна Варунять лаца сембе мазыхть.
Кулезе тянь ногайхнень оцюнясна, мярьгсь тяйня сельме ногайнзонды сяда курок ластямс алашаснон, сявомс сяда оцю кяскафт. И тусь ногаень тналсь мокшень аймакть шири.
Инголи паньцазь павазонь крандазть, конань лангс озафт, кеняртькшнихть Пелькссь, Рдазсь и Кяжсь. А Варунясь аварькшни. Эняльди Вармати, эняльди Шиняти, эняльди нармоттненди, штоба пачфтельхть синь куля алянзонды-тядянзонды, сембе мокшетненди, конашкава оцю пелькс моли ширезост.
Пачфтезь мокшетненди Варунять аварькшнеманзон Шинясь и Вармась, нармоттневок, аф весяласта чильнязь, азондсть ризфу кулять колга.
Пуромсть мокшетне оцю кужес, ушедсть арьсекшнема: «Мезе тиемс? Кода лездомс Варуняти? Кода араламс эсь пряснон?..» Тя пингть Шавачась лийсь малазост. Ушедсь пулонц люкафтома, пилень пандозь чакордома:
– Тясть кулхцонда Вармать! Тясть кулхцонда Шинять! Тясть кулхцонда нармоттнень. Варуня сай тяза павазонь крандазса, вяти мархтонза пара инжихть.
Шавачась юватькшнесь сяда кайгиста, сяс и кулхцондозь сонь мокшетне. Срадсть кудга, ушедсть инжихненди казнень аноклама. Кодак няезь тянь нармоттне, лийсть сяда курок Варуняти, азондозь тейнза Шавачать васькафнеманзон.
Варуня эстокиге нардазень сельмоведензон, фатязень вожиятнень, эрьхтезе лишмоть локшеса, айдязе сонь мокшень аймаку – хуш аф ламода сяда курок пачкодемс! Сяда инголи равжа кулять колга пачфтемс!
Ногайхне ёрасть сатомс павазонь крандазть, да коза тейст – алашаснон пильгсна нюрьхкянят. Пелькссь, Рдазсь и Кяжсь фатнихть Варуняти, ёрайхть вожиятнень норгомс – синьге вийсна аф сатни. Кенерель пачфтемс куля Варунясь, да эрьхтсь крандазть шарыец кить трваса ащи мокорти, вачкодсь ки лангса ащи кевти, конань кунара ни кевордезе тяза Кяжсь.
Срадсь-каладсь павазонь крандазсь, кемоста токавсь Варуняське. Пелькссь, Рдазсь и Кяжсь эрьхтсть эчке шуфтс, срадсть-каладсть пяльксонь пялькс, тусть кеворезь мокшень модать ланга. Лишмоське прась, а лангстонза сиянь и зрнянь пайгонятне, конат - шуфта тарадс повсть, конат – кусторксс кярьмодсть, конат – тишенянь панчфкянь лопас.
Сатозь ногайхне Варунять, ваныхть – кулокс праф. Ёразь керсемс сонь кичкор пеельсост. Лоткафтозень оцюнясна.
Маладсь сон Варуняти, комась вельхксозонза, а мзярда няезе – сон аф кула – мярьгсь пчкафтыензонды, надобиянь канниензонды:
– Кие сурбе тя стирти токафты – сянь кяденц керса. А мзяра сярятьф вастта ляды ронгсонза – сняра пря керан пчкафтыензон ёткста...
Тяда меле озась понав лишмонц лангс и сонць сявозень ногаензон мокшетнень модаснон шири.
Кодак няезь мокшетне апак учсек инжихнень, кодак ашезь примета ёткстост павазонь крандазть Варунять мархта, эсток таколгодсть седисна.
Сянкса ногайхне азоркс сувсесть эрь куду, сявондезь мархтост семботь, мезсь тушендсь мялезост. А мокшетне ащесть ширеняса и аньцек ванондсть. Синь вдь эста маштсть аньцек работама да кеняртькшнема, фкя-фкянди казнень тиендема. Тюремась мяльсостка ашель.
Мзярда пяшкодезь ногайхне оцю кяскавснон, кочказь инь вии цёратнень, мярьгсть салафснон путомс копорезост. Сяльде ушедсть стирьхнень салсема. Сят авардсть, пешкодсть, киськорясть, сускондсть эсост. А араламс стирьхнень ашель кинди. Эста ёфси ашесть машта тюрема аф алясна, аф брадсна, аф кельгомасна.
Шамдозь ногайхне мокшетнень ларьснон, цюланцнон, шамдозь кудботмоснон. Тусть меки эсь паксязост, надияфтсть тага самс.
Эста пуромсть оцю кужес мокшень атятне. Колма шит и колма вет арьсесть: мезе тиемс, кода тяфтама оцю паласта лисемс-ворьгодемс? И састь тяфтама мяльс – тумс лия вастс павазонь вешендема. Од вастса нолдамс корятть-юрхт, тоса тонафтомс оттнень павазонь крандазть кильнема.
Курокста срхкасть. Мольсть кифтома-янфтома, шяхнень-ситерькснень туркс. Кие сизсесь, сярятькснесь, корхнесь пичедиень вайгяльса:
– Аш вийхть сяда тов молемс.
И семьянь, раднянь келеса лядсть ваймама вастти эряма.
Ламос мольсть мокшетне, а павазсь стаки изь мушендов, ашель мзярда оттненьге павазонь крандазть кильнема тонафтомс.
Инь виихне и аф пелихне, мзярда шарьхкодезь, што кисна пефтома, мрдасть шачема аймаку. А тоса перьфпяльге рдаз, эрь лоткста-карафста пелькс няйсть, ушедсть фкя-фкянь лангс кяжиякшнема, тюрендема, сялондома. Да тага ногайхне тяза кить ашезь юксне: коль дацькат вешсть, стаки мазы стирьхнень салсесть.
А весть ногаень оцюнять мархта сашендсь Варунясь. Мокшетне кенярдсть. Лиссть васьфтемонза, инь танцтиняснон лихтезь ларьста-бохарямста. Мольсть тейнза, сюконясть:
– Араламасть, Варуня, кяжи инжихнень эзда!
Варунясь стамка мазыель, аньцек сельмостонза мадсь паронь арьсиень, пееди стирень толнясь. Вастозост крьвязсть кодама-бди кяжи цяткт. Мокшень кяльтьке кати юкстазе, кати аньцек пря няфнесь... Улема, токавсь пяк кемоста, мзярда прась павазонь крандазста, а, пади, лия мезьге лиссь... Аньцек мярьгсь эста кяжиста и лия кяльса:
– Ворьда маластон, рдазу мокшет! И оду тяда малаткшне!
Эста шарьхкодсть мокшетне: аш кинь эзда учсемс лезкс. Кие узерь фатясь, кие тор тись, кие цянга кеподсь... Келеса синць панезь масторснон лангста ногайхнень.
А сембе сяка и странас туф мокшетне, и эсь вастозост мрдафне павазуста лоткасть эрямда, лоткасть павазонь крандазонь кильнема-срхкафнема. Аньцек срадсь-каладсь масторть келес мокшень родсь-плямась. Мянь кяльснонга кармасть юкснема. Ламось юксневи...
Аньцек сёксенда, мзярда тюжалгодыхть, калготкстомихть шуфтонь лопатне, мртцетяма кунардонь, кунардонь пингти. Уфазеви вармась, тон кулхцонтт лацкас, синь ушедыхть цинняма сиянь и зрнянь пайгонякс. Ня пайгонятне пяярсть павазонь крандазть и лишмоть лангста. Кулхцонтт лацкас и кульсайть синь...»
Ня валхнень азомда меле бабанясь сетьмось. Унокоцка кашт изь моле. Арьсень, матодовсь шабась. Ульцяса сёксель вчёк, монга сетьмонь, тяряфнень кулемс павазонь крандазста пайгонятнень вайгяльснон. Вакссонк вчёк шуфтт кассть. Лопасна пулюфт, рдазуфт... Сяс, улема, мезьге ашень куле. А, пади, машинатнень, автобуснень бурнамасна паннезь вайгяльняснон... И вдь аф аньцек мон, лия ломаттневок кашт исть моле, синьге, улема, кулхцондсть, сяшкава салазень сембонь мяленьконь кульф ёфкссь. Кати мзярс тяфта кулхцонкшнелеме. Сетьмоть колазе бабанять унокоц.
– А вов мон, мзярда касан, мусайне павазонь крандазть пяльксонзон и кочкаса сонь. Кадок арни масторть ланга.
– Эрь ни, уноконяй, аф кочкавихть ся крандазть пяльксонза, – станяк сетьмоняста, кода и ёфксть азондомста, пшкядсь бабанясь.– Синь вдь кати-коза ляцсть-пяярсть, да и наксадсть тнярс. Лама пингта ётась. А кда мувихть, аф кочкавихть, – ёрась сетьмофтемс уноконц бабанясь. А цёранясь эсь лангозонза надияйнь вайгяльса пшкядсь: эста лия крандаз тиян. Кшнинне! И кильдьса вии лишмос.
Пади, лиятневок шоворельхть тя корхнемати... Монь, кепотьксонди, мялезель кирдемс цёранять ширенц, а, пади, и лиятненьге. Да тяса автобуссь сась. Сембе эряскодсть озамс, васта занямс. Сяряфнесть фкя-фкянь, старандасть васенцекс автобусти сувамс...
– Мзярда куду тутама?
– Курок, курок, уноконяй,– басясь бабась ёмлать. – Учт нинге аф ламос.
Шабать кизефксонц ёрань максомс вокзалста билетонь мишендити. Сон мокшаваль, сяс и пшкядень эсь кяльса:
– Шумбрат! А автобуссь курок туй?
– Ждите, будет! – кода-бди уркстозь мярьгсь мокшавась рузкс.
Мон тага мрдань автобусонь лоткама вастти. Цёранять удомац сась, сельмоведенза лангу лиссть.
– Эрь, эрь ни. Тят ноля начкт. Сак ёфкскя азондан, – басясь уноконц бабанясь.
Уноксь ноласта мольсь сиреняти, куцсь элезонза, нежедезе прянц коськана мяштенцты. Сетьмось. Сиренясь ушедозе ёфксонц.
Кунара, кунара, мзярда мокшетне эрясть туста вирь потмоса, крхка и ару ляй трваса, ульсь пара обуцясна. Мзярда нинге ичкозель кельмотненди, а утопне пяшксетольхть сёксень козяшида, кильнезь инь вии лишмоснон од, панчфса наряжаф крандазс. Озафнезь тоза инь мазы стирть и таза цёрать, кучсезь синь ломаттнень эряма вастоваст. Мархтост путнесть медень пуре мархта шувамня, калацят, калхт, медь, кяскавса пяштть и мазы каштаст.
И вов тя крандазсь панцевсь велеста велес. Стирсь цёрать мархта оцюфнень каванякшнезь пуреда, калаця мархта медьта, од стирьхненди казендсть мазы каштаст, а ёмлатненди пяштть. Мянь ловть прамс синь арнесть мокшетнень эряма вастоваст, а крандазсна стаки изь шамонда. Тя сяс, мес эрь велеса павазонь крандазть ломаттне васьфнезь казне мархта. Каннесть синь инь танцти ярхцамбяльхть, щапт-месть, сюконязь венепнезь стирти да цёрати. И мзярс арнесь павазонь крандазсь мокшень модать ланга, ашельхть велева вачедот, кяпе якайхть, сембе морсесть мазы морот, азондсть павазу пе мархта ёфкст.
Сембе учсть павазонь крандазть, аньцек афолезь няе сонь Пелькссь, Рдазсь и Кяжсь. И вов синь пуромсть весть крхка лотка потмаксс и ушедсть арьсема: кода саламс, кода машфтомс павазонь крандазть? Ламос арьсесть, мезьге изь сашенда прязост. Эста Кяжсь мярьгсь: – «Мокшетнень пяк ляпе седисна, эрявихть синь васькафтозь сяськомс.
Сяльде тошказь азондозе, мезе эряви тиемс.
Учезь сёксеть Пелькссь, Рдазсь и Кяжсь, наряжасть анцинякс и тусть киге якама, павазонь крандазть вешендема.
Ламос якамс тейст изь сав. Сяс, мес мзярда срхкафневсь кис павазонь крандазсь, тя кулевсь ичкози-ичкози. Лишмоть лангс повфнефоль сиянь и зрнянь лама пайгоняда, конат азондсть перьфпяльти павазть маладоманц колга.
Арасть кить кучкас Пелькссь, Рдазсь и Кяжсь, учихть. Цёрась лоткафтозе лишмоть ёфси ваксозост, ювадсь весяласта:
– Коза срхкаде, ломатть? Мезе пильгонтень тапатада? Озада мархтонк, пачфттядязь. Сияк ёрдасть сязентьф щамонтень, тяса отт улихть. Симода пуреда! Топодемс ярхцада и мархтонт, мзяра кандови, сявода.
Пелькссь, Рдазсь и Кяжсь тяконь и учсесть. Куфцезь озасть крандазти. А мзярда цёрась айдязе лишмоть, Рдазсь ёрдась цёрать сельмос пульса. Мзярс сон шовсесь сельмонзон, сяряфтозе крандазста. Кяжсь сотнезень эчке пиксса стирть пильгонзон и кядензон. А Пелькссь керозе локшеса лишмоть и шарфтозе ичкоздень мастору, паксянь эряйхнень, хаттнень-ногайхнень шири.
Аньцек пачкодсть пефтома паксятненди, павазонь крандазть кружазь ногайхне. Пельксть, Рдазть и Кяжть, мокшень стирть Варунять мархта вятезь оцюняснонды.
Кодак няезе ногайхнень оцюнясна Варунять, нльне кяжензон юкстазень, кизефтезе ляпе вайгяльса:
– Коста сатада? Коза мольхтяда? Варуня валня изь аза. Сянкса Пелькссь, Рдазсь и Кяжсь ушедсть прянь шнафтозь азондома.
Кле, туста вирьхнень потмоса, ару и крхка ляйхнень трваса эряйхть мокшетне. Козяшидост синь пяк и пяк лама. А стирьсна Варунять лаца сембе мазыхть.
Кулезе тянь ногайхнень оцюнясна, мярьгсь тяйня сельме ногайнзонды сяда курок ластямс алашаснон, сявомс сяда оцю кяскафт. И тусь ногаень тналсь мокшень аймакть шири.
Инголи паньцазь павазонь крандазть, конань лангс озафт, кеняртькшнихть Пелькссь, Рдазсь и Кяжсь. А Варунясь аварькшни. Эняльди Вармати, эняльди Шиняти, эняльди нармоттненди, штоба пачфтельхть синь куля алянзонды-тядянзонды, сембе мокшетненди, конашкава оцю пелькс моли ширезост.
Пачфтезь мокшетненди Варунять аварькшнеманзон Шинясь и Вармась, нармоттневок, аф весяласта чильнязь, азондсть ризфу кулять колга.
Пуромсть мокшетне оцю кужес, ушедсть арьсекшнема: «Мезе тиемс? Кода лездомс Варуняти? Кода араламс эсь пряснон?..» Тя пингть Шавачась лийсь малазост. Ушедсь пулонц люкафтома, пилень пандозь чакордома:
– Тясть кулхцонда Вармать! Тясть кулхцонда Шинять! Тясть кулхцонда нармоттнень. Варуня сай тяза павазонь крандазса, вяти мархтонза пара инжихть.
Шавачась юватькшнесь сяда кайгиста, сяс и кулхцондозь сонь мокшетне. Срадсть кудга, ушедсть инжихненди казнень аноклама. Кодак няезь тянь нармоттне, лийсть сяда курок Варуняти, азондозь тейнза Шавачать васькафнеманзон.
Варуня эстокиге нардазень сельмоведензон, фатязень вожиятнень, эрьхтезе лишмоть локшеса, айдязе сонь мокшень аймаку – хуш аф ламода сяда курок пачкодемс! Сяда инголи равжа кулять колга пачфтемс!
Ногайхне ёрасть сатомс павазонь крандазть, да коза тейст – алашаснон пильгсна нюрьхкянят. Пелькссь, Рдазсь и Кяжсь фатнихть Варуняти, ёрайхть вожиятнень норгомс – синьге вийсна аф сатни. Кенерель пачфтемс куля Варунясь, да эрьхтсь крандазть шарыец кить трваса ащи мокорти, вачкодсь ки лангса ащи кевти, конань кунара ни кевордезе тяза Кяжсь.
Срадсь-каладсь павазонь крандазсь, кемоста токавсь Варуняське. Пелькссь, Рдазсь и Кяжсь эрьхтсть эчке шуфтс, срадсть-каладсть пяльксонь пялькс, тусть кеворезь мокшень модать ланга. Лишмоське прась, а лангстонза сиянь и зрнянь пайгонятне, конат - шуфта тарадс повсть, конат – кусторксс кярьмодсть, конат – тишенянь панчфкянь лопас.
Сатозь ногайхне Варунять, ваныхть – кулокс праф. Ёразь керсемс сонь кичкор пеельсост. Лоткафтозень оцюнясна.
Маладсь сон Варуняти, комась вельхксозонза, а мзярда няезе – сон аф кула – мярьгсь пчкафтыензонды, надобиянь канниензонды:
– Кие сурбе тя стирти токафты – сянь кяденц керса. А мзяра сярятьф вастта ляды ронгсонза – сняра пря керан пчкафтыензон ёткста...
Тяда меле озась понав лишмонц лангс и сонць сявозень ногаензон мокшетнень модаснон шири.
Кодак няезь мокшетне апак учсек инжихнень, кодак ашезь примета ёткстост павазонь крандазть Варунять мархта, эсток таколгодсть седисна.
Сянкса ногайхне азоркс сувсесть эрь куду, сявондезь мархтост семботь, мезсь тушендсь мялезост. А мокшетне ащесть ширеняса и аньцек ванондсть. Синь вдь эста маштсть аньцек работама да кеняртькшнема, фкя-фкянди казнень тиендема. Тюремась мяльсостка ашель.
Мзярда пяшкодезь ногайхне оцю кяскавснон, кочказь инь вии цёратнень, мярьгсть салафснон путомс копорезост. Сяльде ушедсть стирьхнень салсема. Сят авардсть, пешкодсть, киськорясть, сускондсть эсост. А араламс стирьхнень ашель кинди. Эста ёфси ашесть машта тюрема аф алясна, аф брадсна, аф кельгомасна.
Шамдозь ногайхне мокшетнень ларьснон, цюланцнон, шамдозь кудботмоснон. Тусть меки эсь паксязост, надияфтсть тага самс.
Эста пуромсть оцю кужес мокшень атятне. Колма шит и колма вет арьсесть: мезе тиемс, кода тяфтама оцю паласта лисемс-ворьгодемс? И састь тяфтама мяльс – тумс лия вастс павазонь вешендема. Од вастса нолдамс корятть-юрхт, тоса тонафтомс оттнень павазонь крандазть кильнема.
Курокста срхкасть. Мольсть кифтома-янфтома, шяхнень-ситерькснень туркс. Кие сизсесь, сярятькснесь, корхнесь пичедиень вайгяльса:
– Аш вийхть сяда тов молемс.
И семьянь, раднянь келеса лядсть ваймама вастти эряма.
Ламос мольсть мокшетне, а павазсь стаки изь мушендов, ашель мзярда оттненьге павазонь крандазть кильнема тонафтомс.
Инь виихне и аф пелихне, мзярда шарьхкодезь, што кисна пефтома, мрдасть шачема аймаку. А тоса перьфпяльге рдаз, эрь лоткста-карафста пелькс няйсть, ушедсть фкя-фкянь лангс кяжиякшнема, тюрендема, сялондома. Да тага ногайхне тяза кить ашезь юксне: коль дацькат вешсть, стаки мазы стирьхнень салсесть.
А весть ногаень оцюнять мархта сашендсь Варунясь. Мокшетне кенярдсть. Лиссть васьфтемонза, инь танцтиняснон лихтезь ларьста-бохарямста. Мольсть тейнза, сюконясть:
– Араламасть, Варуня, кяжи инжихнень эзда!
Варунясь стамка мазыель, аньцек сельмостонза мадсь паронь арьсиень, пееди стирень толнясь. Вастозост крьвязсть кодама-бди кяжи цяткт. Мокшень кяльтьке кати юкстазе, кати аньцек пря няфнесь... Улема, токавсь пяк кемоста, мзярда прась павазонь крандазста, а, пади, лия мезьге лиссь... Аньцек мярьгсь эста кяжиста и лия кяльса:
– Ворьда маластон, рдазу мокшет! И оду тяда малаткшне!
Эста шарьхкодсть мокшетне: аш кинь эзда учсемс лезкс. Кие узерь фатясь, кие тор тись, кие цянга кеподсь... Келеса синць панезь масторснон лангста ногайхнень.
А сембе сяка и странас туф мокшетне, и эсь вастозост мрдафне павазуста лоткасть эрямда, лоткасть павазонь крандазонь кильнема-срхкафнема. Аньцек срадсь-каладсь масторть келес мокшень родсь-плямась. Мянь кяльснонга кармасть юкснема. Ламось юксневи...
Аньцек сёксенда, мзярда тюжалгодыхть, калготкстомихть шуфтонь лопатне, мртцетяма кунардонь, кунардонь пингти. Уфазеви вармась, тон кулхцонтт лацкас, синь ушедыхть цинняма сиянь и зрнянь пайгонякс. Ня пайгонятне пяярсть павазонь крандазть и лишмоть лангста. Кулхцонтт лацкас и кульсайть синь...»
Ня валхнень азомда меле бабанясь сетьмось. Унокоцка кашт изь моле. Арьсень, матодовсь шабась. Ульцяса сёксель вчёк, монга сетьмонь, тяряфнень кулемс павазонь крандазста пайгонятнень вайгяльснон. Вакссонк вчёк шуфтт кассть. Лопасна пулюфт, рдазуфт... Сяс, улема, мезьге ашень куле. А, пади, машинатнень, автобуснень бурнамасна паннезь вайгяльняснон... И вдь аф аньцек мон, лия ломаттневок кашт исть моле, синьге, улема, кулхцондсть, сяшкава салазень сембонь мяленьконь кульф ёфкссь. Кати мзярс тяфта кулхцонкшнелеме. Сетьмоть колазе бабанять унокоц.
– А вов мон, мзярда касан, мусайне павазонь крандазть пяльксонзон и кочкаса сонь. Кадок арни масторть ланга.
– Эрь ни, уноконяй, аф кочкавихть ся крандазть пяльксонза, – станяк сетьмоняста, кода и ёфксть азондомста, пшкядсь бабанясь.– Синь вдь кати-коза ляцсть-пяярсть, да и наксадсть тнярс. Лама пингта ётась. А кда мувихть, аф кочкавихть, – ёрась сетьмофтемс уноконц бабанясь. А цёранясь эсь лангозонза надияйнь вайгяльса пшкядсь: эста лия крандаз тиян. Кшнинне! И кильдьса вии лишмос.
Пади, лиятневок шоворельхть тя корхнемати... Монь, кепотьксонди, мялезель кирдемс цёранять ширенц, а, пади, и лиятненьге. Да тяса автобуссь сась. Сембе эряскодсть озамс, васта занямс. Сяряфнесть фкя-фкянь, старандасть васенцекс автобусти сувамс...
Жанр: Сказка
Автор: Николай Голенков