Мрдак

Мрдак, мзярос эсот нинге учихть,
Мзярос нинге ашедязь юкста.
И фталга эсот катк аф ламода сюцихть,
Тонь тянкса ёфси кяшневок тяст са.

Мрдак, мзярос толнязе монь палы
И цильфоц марнек валдоптсы перьфпяльть.
Тозк нежеделеть вестьке юрхта малав,
Мон аськолкс коре содалихтень эзк.

Мрдак, мзярос сединязе учи,
И тоса васта ванфнян аньцек тейть.
Мрдак, монь прязень сяшкава тяк муцсе
И сяряфтк мяштьстон копанашка кевть.