Мокшень панар
НАЛХКИХНЕ:
Л а й м и н Иван Михайлович – войнань ветеран.
И л ю ш а – сонь унокоц.
Тевсь моли велень кудса. Радиоста кайгихть Сяськомати лемтьф морот, маршт. Лаймин наряжай, пиджаконь мяштезонза повфнесыне орденонзон, медалензон. Илюша шаронды перьфканза, сельмонь каязь ванонды медальхнень лангс, сявондьсыне кядезонза, лацкас ванондсыне.
И л ю ш а. А тянь мархта мезенкса казедязь?
Л а й м и н (сявсы уноконц кядьста медальть, повфтасы мяштезонза). Тя Сталинградть араламанкса. (Куфкстай.) Лама тоса ялгазе лядсь. А тяни ошть лемонцка полафтозь… Лама верда тя медальть лангса…
И л ю ш а. Коса версь?
Л а й м и н. Пингсь штазе, уноконяй…
И л ю ш а (сяви кядезонза лия орден). А тянь мезенкса максозь?
Л а й м и н ( сявсы уноконц кядьста орденть, уфай лангозонза, нарнесы нуланяса). А тя казнесь тейне пяк питни… Ялгане повондсть окруженияс. Аделсевсть патронцна. Нинге ётка, и фашисттне сараз лефксокс сембонь ляценделезь. Пара, шоподсь… Фашисттне пельсть шобдаста эцемс, миннетнень вдь штыксна ульсть. Эцемска ашесть эце, а штоба ялгане окруженияста афольхть ворьгоде и тейст лезкс афоль са, фашисттне сяшкава ляцендсть – пряце ашель кода кеподемс. Стака ульсь пачкодемс малазост. Коса карафова, коса лотконява кяшендезь мон кода-аф кода пачкодень. Виде, стака ульсь, стаконга пряце аш кода кеподемс, а мон нилешка пуд патрон и граната кандонь. Шкайнять лезксонц вельде пачкодень…
И л ю ш а. Ужели, патрононь каннеманкса ордетт макссихть?
Л а й м и н. Макссть вов… Да аф орденца тевсь. Няелите, конашкава фашисттне омбоце шобдаваня дивасть… Синь содазь, што ялганень аделавсть патронцна. Атакас мольсть стяда, апак пельхть. А минь стане васьфтеськ, конат лядсть шиса, куломозост кармайхть лятфнема. Лама фашист эста пяярдеме, сяконь лангс, мзярс синь сашендсть ёжес, окруженияста лисеме… Лисенди, ялганень эряфснон араламанкса тя орденць, повфтаса инь няеви вастс.
И л ю ш а (сельмонь каязь). Эх, мзяра эздост… Тейне тяфтама хуш фкяня…
Л а й м и н. Сембонь максолине, Илюша. Аньцек сянкса, кда нардавольхть мялямстон веры ся кизотне, кда мрдафтовольхть модати пингфтома матф ялгане… Аньцек аф мрдафтовихть… Сянкса эняльдян Шкайняти, штоба афоль уле туфтал макссемс тяфтама казнет.
И л ю ш а. Тон, ванан, атяй, пяк ёжуват. Тонць фатять казнет, сембе лангозт сельмодихть. Сембе вастова тернетядязь, кулхцондыхть войнать колга азкснень. Тонць фатять казнет, а лиятненди аф эрявихть.
Л а й м и н. Афкукс, аф эрявихть… Вов касат и шарьхкодьсак, што войнась аф налхксема, а оцюдонга оцю ризф, а нят (няфти казнензон лангс) войнать сельмоведенза.
И л ю ш а (аф верондазь и кяжиякшнезь). А мезенди каннесайть сельмоветтнень? Кяшелить сяда ичкози, сяда курок юкставольхть.
Л а й м и н. Тяса аф аньцек мон, тяса сембе шавф и шиса лятф ялганень ризфсна, сярятьфсна и сельмоведьсна. Сяс и каннесайне.
И л ю ш а. Тон ёфси ёмланякс лувсамак. А мон лац содаса, што кшнинь сельмоветть аф улендихть.
Л а й м и н. Войнаса сембось уленди. Сон, аеркссь, кадонды стама сельмоветть, конат нльне пингти аф муськовихть, аф нардавихть, аф косьфтавихть. Тяни аф пинге тянь колга, иласа эсонк учихть, а ломанень учсефтемась аф пара.
И л ю ш а. Эста монга эряскодан. (Щеткаса ушеды пиндолгофтома ботинканзон, няфтьсыне атянцты.) Няйсак, клянцекокс пиндолдыхть. Кода ваномаса, нльне шамазень няйса. Разведкав мархтот сяволемайть?
Л а й м и н (пеедезь). Аф аньцек разведкав, калонь кундамовок сяфте.
И л ю ш а. Минь мархтот мольхтяма тячи, кода парадс, сембось лангсонк кармай пиндолдома. Мон монць исяк нльне панарозень гладендайне. Виде, аф ламода тядязе лездсь. Но ся мезьге аш, сон фалу коса аш тевоц эци, коль пеленди – аф лац тиса… А тон мес ташта панар щаят? Тядязе тейть аноклась од.
Л а й м и н. Одть лия илас щаса. А тя (вадерясы мокшень панарть), марнек войнать мархтон ётазе.
И л ю ш а (аф верондазь ваны атянц лангс, аськолдай сяда малати, сурбеса варжасы панарть, никсасы). Пади, васькафнесамак. Войнать мархтот ётазе, а мес войнань шинец аш? Тонць корхнеть, што войнаса пяк ламоль качамда.
Л а й м и н. Ламоксть ульсь муськонтьф, вов и маштсь качамонь шинец.
И л ю ш а. Ламоксть муськонтьф, а фкя ожац рдазу.
Л а й м и н. Тя аф рдаз, Илюша. Тя версь изь муськов.
И л ю ш а. Кодама вер? Коста?..
Л а й м и н. Войнаста… Весть, мзярда ранендамазь, ашельхть мархтон бинтт. Савсь панарозе каяфтомс, ашкодыне ранендаф вастть. И верондат, шачема аймакса стаф панарсь лоткафтозе верть. Ранаське курок пчкясь. Вов тяфтама мокшень панарть виец. Тяда меле аньцек муськомс каяфнине, марнек войнать эсонза ётайне. Пади, сон и ванфтомань пуляда-мезьда.
И л ю ш а. Кода ванфтонзе? Вдь сон аф кшнинь…
Л а й м и н. Сяшканц аф содаса… Но ули эсонза кодама-бди вий, кона аф азови валса.
И л ю ш а. Кда тейне тяфтама панар, эста тейньге кодамовок войнась афоль уле пелькс.
Л а й м и н. Войнась сембе сяка пелькс. А мокшень панарце тоньге ули. Аф кунара вдь стась тейть бабаце. Мес аф каннесак?
И л ю ш а (аф мяль вельде). Весть щакшнине… Аньцек тяни тяфтама щамса аф якайхть. Кода акша варси ялганень ёткса якань. Вов кда улель война…
Л а й м и н. Аф эряви война. А мокшень панарсь эрь илать мазоптсы. Минь, содасак, мезе тихтяма.
И л ю ш а. Мезе?
Л а й м и н. Сяськомань шинь илати мольхтяма мокшень панарса (ушеды валхнема орденонзон и медалензон пиджаконц мяштьста, повфнесыне мокшень панарть мяштьс). Няйсак, тяса казнетне сяда мазыста няевихть.
И л ю ш а. Мес тяда инголе ашить повфне казнетнень лангозонза.
Л а й м и н. Сяс мес тяда инголе тя прязон ашезь сашенда, а, пади, лацот визнень якамс панарса, кона ванфтомань войнать пингста. Коль костюм алу щакшнине. Кяшендине пуляда аралаезень, кельме шиня эжниезень, ранань пчкафтызень. Тячи катк сембе няйсазь.
И л ю ш а. Ужели, мокшень панарть эса тняра вийда?
Л а й м и н. Тняра… А, пади, сяда лама. Вдь тяфтама панарса нинге монь атяне ётасть стама нужа и сталма пачк, конат нльне тейне стакат шарьхкодемс.
И л ю ш а. Эста монга щаса мокшень панарозень. Эста тейньге инь оцю сталмотне сяськовихть. (Щасы мокшень панарть, шаронды ваномать инголе.) Аф ламода оцю, а тяфтак, бта аф визькс эсонза ломань ёткс лисемс. И мазы, и лямбе…
Л а й м и н. Мес оцю, тят канзеде – нинге касат. Сянкса тяфтама панарса афкуксонь алякс няеват.
И л ю ш а. Эста фалу мокшень панарса якама карман.
Л а й м и н. Вов и лац тият. Якак, уноконяй, якак… И васенцеда эсонза молят инь оцю, Сяськомань Шинь, илати. Аде, аля, илась курок ушеды. А мокшень алятне мзярдонга аф учсефтихть пря аф тевса, аф иласа… Аде. (Туйхть.)
З а н а в е с.
Л а й м и н Иван Михайлович – войнань ветеран.
И л ю ш а – сонь унокоц.
Тевсь моли велень кудса. Радиоста кайгихть Сяськомати лемтьф морот, маршт. Лаймин наряжай, пиджаконь мяштезонза повфнесыне орденонзон, медалензон. Илюша шаронды перьфканза, сельмонь каязь ванонды медальхнень лангс, сявондьсыне кядезонза, лацкас ванондсыне.
И л ю ш а. А тянь мархта мезенкса казедязь?
Л а й м и н (сявсы уноконц кядьста медальть, повфтасы мяштезонза). Тя Сталинградть араламанкса. (Куфкстай.) Лама тоса ялгазе лядсь. А тяни ошть лемонцка полафтозь… Лама верда тя медальть лангса…
И л ю ш а. Коса версь?
Л а й м и н. Пингсь штазе, уноконяй…
И л ю ш а (сяви кядезонза лия орден). А тянь мезенкса максозь?
Л а й м и н ( сявсы уноконц кядьста орденть, уфай лангозонза, нарнесы нуланяса). А тя казнесь тейне пяк питни… Ялгане повондсть окруженияс. Аделсевсть патронцна. Нинге ётка, и фашисттне сараз лефксокс сембонь ляценделезь. Пара, шоподсь… Фашисттне пельсть шобдаста эцемс, миннетнень вдь штыксна ульсть. Эцемска ашесть эце, а штоба ялгане окруженияста афольхть ворьгоде и тейст лезкс афоль са, фашисттне сяшкава ляцендсть – пряце ашель кода кеподемс. Стака ульсь пачкодемс малазост. Коса карафова, коса лотконява кяшендезь мон кода-аф кода пачкодень. Виде, стака ульсь, стаконга пряце аш кода кеподемс, а мон нилешка пуд патрон и граната кандонь. Шкайнять лезксонц вельде пачкодень…
И л ю ш а. Ужели, патрононь каннеманкса ордетт макссихть?
Л а й м и н. Макссть вов… Да аф орденца тевсь. Няелите, конашкава фашисттне омбоце шобдаваня дивасть… Синь содазь, што ялганень аделавсть патронцна. Атакас мольсть стяда, апак пельхть. А минь стане васьфтеськ, конат лядсть шиса, куломозост кармайхть лятфнема. Лама фашист эста пяярдеме, сяконь лангс, мзярс синь сашендсть ёжес, окруженияста лисеме… Лисенди, ялганень эряфснон араламанкса тя орденць, повфтаса инь няеви вастс.
И л ю ш а (сельмонь каязь). Эх, мзяра эздост… Тейне тяфтама хуш фкяня…
Л а й м и н. Сембонь максолине, Илюша. Аньцек сянкса, кда нардавольхть мялямстон веры ся кизотне, кда мрдафтовольхть модати пингфтома матф ялгане… Аньцек аф мрдафтовихть… Сянкса эняльдян Шкайняти, штоба афоль уле туфтал макссемс тяфтама казнет.
И л ю ш а. Тон, ванан, атяй, пяк ёжуват. Тонць фатять казнет, сембе лангозт сельмодихть. Сембе вастова тернетядязь, кулхцондыхть войнать колга азкснень. Тонць фатять казнет, а лиятненди аф эрявихть.
Л а й м и н. Афкукс, аф эрявихть… Вов касат и шарьхкодьсак, што войнась аф налхксема, а оцюдонга оцю ризф, а нят (няфти казнензон лангс) войнать сельмоведенза.
И л ю ш а (аф верондазь и кяжиякшнезь). А мезенди каннесайть сельмоветтнень? Кяшелить сяда ичкози, сяда курок юкставольхть.
Л а й м и н. Тяса аф аньцек мон, тяса сембе шавф и шиса лятф ялганень ризфсна, сярятьфсна и сельмоведьсна. Сяс и каннесайне.
И л ю ш а. Тон ёфси ёмланякс лувсамак. А мон лац содаса, што кшнинь сельмоветть аф улендихть.
Л а й м и н. Войнаса сембось уленди. Сон, аеркссь, кадонды стама сельмоветть, конат нльне пингти аф муськовихть, аф нардавихть, аф косьфтавихть. Тяни аф пинге тянь колга, иласа эсонк учихть, а ломанень учсефтемась аф пара.
И л ю ш а. Эста монга эряскодан. (Щеткаса ушеды пиндолгофтома ботинканзон, няфтьсыне атянцты.) Няйсак, клянцекокс пиндолдыхть. Кода ваномаса, нльне шамазень няйса. Разведкав мархтот сяволемайть?
Л а й м и н (пеедезь). Аф аньцек разведкав, калонь кундамовок сяфте.
И л ю ш а. Минь мархтот мольхтяма тячи, кода парадс, сембось лангсонк кармай пиндолдома. Мон монць исяк нльне панарозень гладендайне. Виде, аф ламода тядязе лездсь. Но ся мезьге аш, сон фалу коса аш тевоц эци, коль пеленди – аф лац тиса… А тон мес ташта панар щаят? Тядязе тейть аноклась од.
Л а й м и н. Одть лия илас щаса. А тя (вадерясы мокшень панарть), марнек войнать мархтон ётазе.
И л ю ш а (аф верондазь ваны атянц лангс, аськолдай сяда малати, сурбеса варжасы панарть, никсасы). Пади, васькафнесамак. Войнать мархтот ётазе, а мес войнань шинец аш? Тонць корхнеть, што войнаса пяк ламоль качамда.
Л а й м и н. Ламоксть ульсь муськонтьф, вов и маштсь качамонь шинец.
И л ю ш а. Ламоксть муськонтьф, а фкя ожац рдазу.
Л а й м и н. Тя аф рдаз, Илюша. Тя версь изь муськов.
И л ю ш а. Кодама вер? Коста?..
Л а й м и н. Войнаста… Весть, мзярда ранендамазь, ашельхть мархтон бинтт. Савсь панарозе каяфтомс, ашкодыне ранендаф вастть. И верондат, шачема аймакса стаф панарсь лоткафтозе верть. Ранаське курок пчкясь. Вов тяфтама мокшень панарть виец. Тяда меле аньцек муськомс каяфнине, марнек войнать эсонза ётайне. Пади, сон и ванфтомань пуляда-мезьда.
И л ю ш а. Кода ванфтонзе? Вдь сон аф кшнинь…
Л а й м и н. Сяшканц аф содаса… Но ули эсонза кодама-бди вий, кона аф азови валса.
И л ю ш а. Кда тейне тяфтама панар, эста тейньге кодамовок войнась афоль уле пелькс.
Л а й м и н. Войнась сембе сяка пелькс. А мокшень панарце тоньге ули. Аф кунара вдь стась тейть бабаце. Мес аф каннесак?
И л ю ш а (аф мяль вельде). Весть щакшнине… Аньцек тяни тяфтама щамса аф якайхть. Кода акша варси ялганень ёткса якань. Вов кда улель война…
Л а й м и н. Аф эряви война. А мокшень панарсь эрь илать мазоптсы. Минь, содасак, мезе тихтяма.
И л ю ш а. Мезе?
Л а й м и н. Сяськомань шинь илати мольхтяма мокшень панарса (ушеды валхнема орденонзон и медалензон пиджаконц мяштьста, повфнесыне мокшень панарть мяштьс). Няйсак, тяса казнетне сяда мазыста няевихть.
И л ю ш а. Мес тяда инголе ашить повфне казнетнень лангозонза.
Л а й м и н. Сяс мес тяда инголе тя прязон ашезь сашенда, а, пади, лацот визнень якамс панарса, кона ванфтомань войнать пингста. Коль костюм алу щакшнине. Кяшендине пуляда аралаезень, кельме шиня эжниезень, ранань пчкафтызень. Тячи катк сембе няйсазь.
И л ю ш а. Ужели, мокшень панарть эса тняра вийда?
Л а й м и н. Тняра… А, пади, сяда лама. Вдь тяфтама панарса нинге монь атяне ётасть стама нужа и сталма пачк, конат нльне тейне стакат шарьхкодемс.
И л ю ш а. Эста монга щаса мокшень панарозень. Эста тейньге инь оцю сталмотне сяськовихть. (Щасы мокшень панарть, шаронды ваномать инголе.) Аф ламода оцю, а тяфтак, бта аф визькс эсонза ломань ёткс лисемс. И мазы, и лямбе…
Л а й м и н. Мес оцю, тят канзеде – нинге касат. Сянкса тяфтама панарса афкуксонь алякс няеват.
И л ю ш а. Эста фалу мокшень панарса якама карман.
Л а й м и н. Вов и лац тият. Якак, уноконяй, якак… И васенцеда эсонза молят инь оцю, Сяськомань Шинь, илати. Аде, аля, илась курок ушеды. А мокшень алятне мзярдонга аф учсефтихть пря аф тевса, аф иласа… Аде. (Туйхть.)
З а н а в е с.
Жанр: Сценка
Автор: Николай Голенков