Мокшень кяльняй

Ёфксонь мороса сонь шнаса,
Эжни вайме, кемай ёнь.
Мокшекс морамс мяльне касыхть,
Кодак кульса валцень Тонь.
Мокшень кяльняй – тядянь валняй,
Моньге морозень примак.
Эсот вий и эрьгя гайняй,
Валхне эжнихть эрек ваймоть,
Кяльняй, шачем крайнять шнак.
Тяса вирсь-лугатне келихть,
Цёфксонь морось зарять штай.
Мазы стирьхне цёрат кельгихть, –
Кайги мороса Тонь шнайхть.
Мяльнень эжни тядянь валнясь,
Максси эрьгя, лама вий.
Мокшень кяльняй – валда мяльняй,
Перьфкат масторсь морай-кштий.
Мокшень кяльняй, эжнят вайме.
Максоть пацят – сяс лиян.
Мокшень кяльняй – тядянь валняй,
Сянкса тейть мон сюконян.
Тяса эряйхть стирьхть и цёрат,
Морсихть мокшень мазы морот.
Цёфксонь зойфса зарясь штай,
Панжихть саттне, кенерсь сёрось,
Колгаст гайняй мазы морось,
Менель тёкшти мянь лийкстай.