Лезды вий

Ули кудсонк аф няеви вий,
Сяда тёждяня мархтонза эряфсь.
Таргаф пролопнень пачка сон лийсь,
Эсток кеподсь вень шобдати перяфкст,

Кельме пингста сон лямбе уфай.
Кда пси, кельме варманя кази.
Няфни пингть, щамнень сюреса стай,
Весть аф атказай, валня аф азы.
Муськи муськопт и кочксесы пульть.
Кяленьке нярьфтемс танцтиня пиди.
Кода ломанць тя вийфтома ульсь?
Мезе эсонза сталмода идесь?

Тя аф няеви вийсь эрь илять,
Телевизорти ванфозень сотни.
Морси морот и пачфни кулят,
Сяда сериянь няфни кинотнень.

Тёждя эряфти «пильгоне пезсть»,
Но кой-коста покоезень колан.
Арьсян: «Мувору тяфтама лезкссь,
Няк, сонь инксонза тяшкава нолан…»