Кучт васенда кудат

Тон мельган якамда аф лотксят,
А мон най содайкс аф тиян,
И нинге ашель мезьге ётксонк,
Мзярос нинге од стирян.

Мзярос нинге панчфокс панжан,
И щёкапряне кода кстыхть,
Хоть келькте - седи тейть аф панжан,
А няйхте - ваймозе мянь кшти.

Тон сяда курок ёрат улемс
Монь мархтон - ширезт аф кулян,
Вдь авакс кенерян мон улемс,
Стирнякс мон оду аф улян.

Аф стак тон ласькондят монь мельган,
Монь псиста палсят, ктморят.
И кда сяшкава монь кельгат:
Кучт тейне васенда кудат.