Казендеда аватненди панчфт

Казендеда аватненди панчфт.
Рамамс аяш - сязеда лугаста.
Васьфттяда тинь мазы сельмованфт
Тинцьке, алят, ширдест сиденяста.

Монцьке стама пусмоть, ся букетть,
Кенярдезня мяштезон люпшталине.
Эряфсон ульсь лама сельмоведь,
А панчф мархта ризфонень юксталине.

И ся пингть тейнь пеедель шинясь.
Эхи лама седиезе азоль,
Кда тейне кода-кода весть
Кие-кие хоть фкя панчфкя казель...