Катк удалай тейть

Изь удала, ялгай, тевце,
Ащек, азан азкс:
Ванк, кияксонь седяфсь кепотьф,
Тоса ули лазф.

Тоса шеерсь каштордсь, цяторфтсь,
Кати-мезе порсь.
Мадянц эцекшнезе катось,
Ёрась кундамс ворть.

Ашить няй, сон кода учсесь,
Ванондсь, никссесь-тись.
Улендсь, лазфкять ваксса утцесь! —
Шеерсь ашезь лись…

Ярхцси, мрноси и налхкси
Катось — оржа кенчсь.
Стаки надияй, што сякокс,
Сатсы шеерть пенц.

Нолдаф прят тят яка, цёра!
Содак, тя аф тев.
Весяласта пеетть, морак
И удалай тейть!