Эх, листе, ялгай, салава

Тунданясь, парьхци сянгярясь,
Аф нилексть сай эрь кизоти,
А чёфкскясь кенярдсь лямботи,
Моразь лии пизонцты.

А кожфкясь ару. Эшеня.
А менельсь валда тяштеняв.
Кунара терди эсонок,
Минь тага куду кяшеме.

Эх, листе, ялгай, салава
Аф ламняс хоть иляденди
И танцтиняста паламак,
Катк мялезон ся ляденди.

Тят визде эздон, лопаняй,
Мес аф сияне ётаме.
Катк фалу ули мархтонк майсь,
И паваз тейнек максы Шкайсь.