Азомс виздян

Кода тонь келькте, седизе ёлгавсь,
Арьсян най колгат, веть аф удан,
Мон шинек-венек арьсян тонь колгат,
Кодане васедемс, най пичедян.

Ковське ни кяшевсь, матодовсть тяшттне,
Вай, сяда курок стяль ни шинясь,
Лисемс ульцяв и хоть ичкозде вестьке
Няемс тонь аньцек тага ни весть.

Шаштомс тонь малазт, седизе палы,
Кода пшкядемс, тейть виденцямс?
Сака тонць тячи вальмязень алу,
Мон эрь илядня эсот учсян.

Кодане эрямс тоньфтомот — кати?
Аньцек ни сякоть, шять, кизефтян,
Кали ни виезе тага аф саты: —
«Ульхте най монцень» — азомс виздян!