Атямсь и атясь

Мярьгат, менельсь
Срадсь и каладсь.
Тя ёндолсь венемсь,
Тя атямсь маладсь!
Тят тора, атям,
Тят тара, атям.
Мон тяни атян,
Мон афкукс атян!
Тон шарьхкотьк, кяли
Унок мельган.
Сон эздот пели,
Мон эсот кельган.
А каршезт лисень
Шумбракстомс мархтот,
Но лознефтсь пиземсь
И начконь пракстакс.
Тят тора, атям,
Тят эвфне, атям.
Мон тяни атян,
Мон афкукс атян!
И кадок кельмонь,
И кадок начконь —
Няйса сенемть
Туцятнень пачка…
— Мзярда торан.
Мон мора моран!
И содамс атят
Тя пингть аф ёран!