Афи фатянь

Кода тяфта, афи фатянь,
Шамаликсон — сакалхт атянь.
Сянкса пря кучкасон шяярьсь
Ашезь кирде, марнек пяярсь.
Улень од и улень ёжу,
Ашень нюрьксе нолдаф ожат.
Сиземань аф содазь якань,
Тевонь тиендемста — лакань!
Лама арьсень, лама ёрань,
Праздник шиста кштинь и морань.
Кда малаткшнень рьвязти,
Толнят сельмосон крьвязькшнесть…
Пингсь монь кемокстамдон лоткась,
Шумбрашизти шуви лотка.
Но мзярс покой аф содан,
Ваймоса — коль стамка одан!