Вень менельсэнть ковось...

Вень менельсэнть ковось
Ожо-ожо…
Тапардызе оймем
Лембе ёжо…
Кутмордымим псистэ
Эрзянь цёрась.
Сезевсь модань кистэ
Оймем моразь,

Теке сон эзь ульне
Шешкезь-чалгсезь.
А пешкедян тансттенть,
Турват палсезь.
Теке васенцеде
Сась вечкемась.
Сехте нардев эйсэнь –
Пси кемемась.

Вень менельсэнть ковось
Ожо-ожо…
Тапардызе оймем
Лембе ёжо…
Кутмордымим псистэ
Эрзянь цёрась.
Кавто седейть вейке
Моро морасть.