Тундонь ушодкс: тарьксэв чить

***
Тундонь ушодкс: тарьксэв чить,
Чудикерькст, рудазов кить,
— Те ледстявты талай сёксь,
Лембе каштом, покштянь ёвкс.
Ансяк ёжось ней лия,
Седе эрейстэ чият;
Кадык сэредить полдат,
Ялатеке мизолдат!
Кадык зярс читне тарьксэвть,
Пельтне — ашо вармамевтть;
Чись потстост варшты — пейди,
Прок умок учозь эйде.
Тундонь коштонть симезь симть:
Сон кецявты, максы вийть.
Масторавась пижелгады —
Рунгот-потмот одолгады!