Пес-келес менеленть…

Пес-келес менеленть
Мон вановтсо онкстнян,
Печтян сэтьме меленть –
Кизэнть марто простнян.

А кундсян кедензэ,
А энялдан: «Аштевть!».
Конявить сельмензэ.
Бажамонзо маштыть.

Седеесь монь потсо
Оймазь ёжос ладсевсь.
Сёксень тюжа коцтось
Пильгень алов ацавсь.

Лангозонзо чалган,
Кирдеван аламос
Ды ютаса ялго
Цят якшамонь самос.

Кадык те кинть эйсэ
Ули эрьва мезе!
Ансяк весемесэнть
Шумбрачись лексезэ!