Он

Чизэ кончтась чилисема ёндо.
Экше валскесь ён.
Сыргозинь. Ды монсь а яван ондо.
Эх, кодамоль сон!

Пелян тодов лангсто пря кепедемс,
Ононть тандавтомс,
Мелем: ледстямс, одс мазыенть неемс,
Оймес-превс чапомс.

Валдо ондонть вельть сэрей бажамот
Одс эйзэнь вельмить.
Те шкане а эрить зыянт-кажот,
Седей а кельми.

Ансяк онтнэ солыть ды стувтовить…
Шумбра виест сайть,
Кадык эйстэст миненек кадовить
Паро ёжонь гайтть!