Лиясто стихтне ашо локсейкс ливтнить

Лиясто стихтне ашо локсейкс ливтнить
Мон велькссэ коштсонть – оймезэм совавольть.
Пертьпельксэнь зэрттне, гайтев кортамодо
Тандадыть сынь, капшазь туить, томбавить.

Ды ансяк веть, зярдо энгами шалтось,
Эли паксява ськамом эскелямсто
Келейстэ панжан мон оймезэм кенкштнень
Ды лисян срадозь нармунем пурнамо.

«Садо монень, ёвксонь мазый нармунем!
Мон тынк учан. Велявтодо инескеть!
Каванямс тынк ёрынь пиже тикшинеть,
Симемс тыненк анокстынь лисьмапринеть!»

Кодамо покш кеняркс ды вий зярошка
Валови мештьс, зярдо, тердемам марязь,
Пуромить вейс ды, мельга-мельцек аразь,
Ливтить лиянь седейс ашо нармунем!