Кодамо шождыне ашо ловтештинесь

***
Кодамо шождыне
Ашо ловтештинесь!
Кода пры састыне
Вармасо киштийнесь!
Вели, вели — мади,
Латкот-лушмот вади,
Ойми, эчкелгады,
Кевекс стакалгады...
Шожда тейтерьпингесь
Валаняль, прок тинге,
Теке ловтештинесь,
Чарась-велясь, киштнесь.
Варминесь пувизе,
Коволнэсь салызе.
Козонь прась сон, матравсь?
Эли алкукс нардавсь?..
Вай, оям, ялгинем,
Вечкемам, дугинем!
Миньгак ловтештинекс
Эрямонть печтинек.
Паряк, превть таштынек,
Паряк, парт вешнинек...
…Тундось ловонть шлясы —
Мельганок мезть касыть?!.