Инечи

Инечи! Тундонь чи!
Масторавань мизолдома!
Кезэрь эрзянь кенярксчи
Ды Чипазонь кумболдома!
Тонь вастомо анокстынек:
Сэрьс шлинек кудонок-чинек,
Чурькалукшсо алт артынек,
Тантей прякинеть панинек
Ды тусто брага пидинек.
Кашанть пидинек пря марто,
Панжакайтне — топо мартот,
Алонь пурнамс кескавт стынек,
Чоподава течи стинек.
Покштне сыргасть пандочирев —
Сюконямо калмазырев,
Покштятнень лемест кундамо,
Вейсэ чекамо-покамо,
Зярдо Чизэ карми стямо.
Минь — пакшинеть, од эрзинеть,
Эсь тевенек содасынек:
Веленть нучк-пачк чийнесынек,
Алтнэнь весе пурнасынек.
Мейле кужов минь сатано,
Морсетяно, налксетяно,
Нурямосо нурсетяно, —
Инечинть истя шнатано.
Мекс тешкстави Инечись?
Мекс вечкеви Инечись?
Те чистэнть Мастор теезель
Ды Эрямось ушодозель.
Содак, эрзя: Инечись —
Масторонь чачома чи!