Эзганзо чиезь, кунсолокшнан...

Эзганзо чиезь, кунсолокшнан,
Эрьва гайтезэ седейс ары.
Сон соды свал, мезть эськан тошкан.
Те ошось монь, сон эйсэнь мари.

Мартонзо тевень ладян-теян,
Касан, кенярдан, арсян, лажан.
Те ошось монь, эйсэнзэ неян.
Те ошось монь, сонензэ бажан.

Пешксе коморсо модынезэнь
Кемемань видьмекскеть певерди.
Те ошось монь, сон учи эйсэнь.
Те ошось монь, сон эйсэнь терди.

Сон касты эйсэнь эрьва мейсэ.
Мон сонзэ сазор, пелькске-печтьке.
Те ошось монь, эри монь эйсэ.
Те ошось монь, сон эйсэнь вечки.