Чумовтомот

Потмовалом, оймевалдом,
Кода эрят?
Бути пшкадян, пандсак валом?
Мезе мерят?

Ловномс-арась, зяро иеть
Чатьмонема?
Ванстовсь-арась седей виеть,
Пси кемемат?

Тон монь эйстэ ледстнят кода?
Содат мезе?
Паряк, умок стувтозь модас
Мон ильтезян.

Минь маштынек ялгаксчинек
Ёмавтомо
Апак манче, маней чине,
Апак сёвно.

Ков а варштат, а каяват –
Юкстнезь сюлмот…
Китне яла седе явить…
Арасть чумот.