Юмафтонь

Туть ичкози. Тон монь кадомайть.
Стане жа курокста, кода и появать.
Ётась пинге, мон пяк лажадонь.
Сембе стирьхнень мерсян коряват.

Вешендян эсот — аф лисеван эздот кодавок.
Ёрайхтень юкстамс, ульсть вакссон лият,
Но павазсь изь са, синь аф тонь кодямот.
Аф сувайхть синь седизон, тон — лият.

Тя пингс аф шарьхкодьса, мес минь явоме,
Ризфозе шяти эсон, аф тушенды.
Кадомс ба семботь, ичкози сявардемс,
Но стака тянь тиемс, вийхть седись аф мушенды.

Максолине сембозень, аньцек тонь мумс.
Кадомс сембе прябалатнень и мельгат тумс.
Молемс киге, максомс веть и шить.
Надиямс, ковсь тейне валдоптсы кить.