Ве шачема масторса

Шарьхкодьсак ли таколдомать питненц,
Кодак лазовсь эрьготьф ванфсот весь…
Менельть эзга таргазь тяшттне китьксснон,
Сенем толса палыхть раса ведькс.

Конашкава мазы тячи аймаксь!
Санцон шадокс иредсь тотнай версь.
Локстикс уи масторть вельхкска ваймось –
Павазть, сярятьфть, кенярдемать вельф.

Мярьгат, ёфси ашелень нужаса.
Вармань кашторфсь солась и юмась.
Мон – ся кальхне, конат ляйть търваса,
Мон – нардишесь, тяшттне и умась…

Мярьгат, эряфсь лоткась. Но аф сянкса,
Мес тя сембось ваймозон сувась!
Роди эрянь весть ни модать лангса…
Но мъзярда, кода и куватьс?

Сяс тейнь шарьхкотьф таколдомать питнец,
Сяс аф азор сяльде лангсон весь:
Варьхмоди, и олайхть тяшттнень китькссна,
Но кърьвязи мельгаст раса ведсь!