Васенце сентябрсь

Васенце сентябрсь - содамошинь праздник,
А монь прясон мяльхне тапаряфне анзяйхть.
Ош ульцятнень эзга иттне ласькихть школав,
Бта нармотть, конат тага лисендсть воляв.
Велесон (Ах, Шкайняй!) школась сëлкф кунара,
А вдь сон районца ульсь сембода парось.
А мзяра мора ялга ëткса морсеф!
Видексонь артисткакс нльне арамс ëрсень.
Пичетне и кусне пецек- пецек строявсть,
Школать эса ванфтыхть, кородсазь покоенц.
Пайгонясь кунара итть урокс аф терди,
А вдь сякокс валдста шись пееди вярьде,
А вдь сякокс учсеф прашендыхть сей пизепт,
А вдь сякокс сëксесь полафнесы кизоть,
Аньцек моронь вайгяльсь велесон пяк шура,
Шачфтыхть аяш ëфси, но пяк лама кулы.
Веть аф няят толня, шкайхне кадозь велеть,
Шитьке ни курнява ëтамацень пелят:
Тянь аф няйсак, тонанц, велесь - шава пайге,
Кда идень вайгяль косонга аф кайги.
Васенце сентябрсь сась, а итть аф няят,
Школань сокор вальмять пачка шись аф няи.
Шкабаваскяй, коза тястонь эряфть тяить?..

... Сëксень пиземсь пачфтсь сонь сембе пингонь ляи...