Тяса ульсь...

Тяса ульсь монь васенце кельгомазе.
Тяса од пингозе ётась кельгозне.
Тя вастть мон мзярдонга аф юкстаса.
Аварьгодан — мзярда сонь юмафтса...

Сембе одкс пингозе ё'тась тяса,
Юмсень фалу мон оцю кудть пряса.
Идькс пингть и тонафнема кизотнень
Мяляфтсыне тя вастсь — монь «лямбе пизозе».

Тяса мон васенцеда палань стирня.
Тяса кочксевоме марса ялгатне курнянь.
Тяса мон колаф мяльса ащекшнень ськамон.
Тяса шобдавань и илядень зарять лангс ванонь.

Моли савор пингсь и моли вишкста эряфсь.
Вов и монга касонь, шумордавсь-аделавсь школась.
Но мзярдовок аф юкстаса мон тя вастть,
Коса кенярдень пяк и коса сельмоведне прасть.

Тяса ульсь монь васенце кельгомазе,
Тяса ульсь васенце паламазе.
Тя вастсь най кармай эряма седисон.
Тяса касонь и сембе цебярьхне тяса прасть монь кядезон.