Тядять ваймоц

Тядянь ваймось тонашиста сашендсь куду,
Сась, а вальманза прокс шобдат, юрхтоц шава.
Шарьхкодсь: соньге шабанза туфт ошу,
И тов вешемост срхкась вов ризфу авась.
Музе кудснон. Ащесь кенкшснон фтала.
Питни кенкшсна, салайсь аф сувави,
Аньцек корхтасть иттне аф эсь кяльсост,
Кода тяфта, кали тядянь кяльсь юкстави?..
Кода тяфта? Мес аф кайги мороц,
Конань морсесь шабанзон пря песа,
Мокшень валть аф лятфтай тяни цёрац,
Мокшень койсь изь ванфтов стиренц эса.
Обжавсь авась, нардась сельмоведенц,
«Тядяй» валса ашель мес пшкяди,
Кенкшти чакамс ашезь кеподь кядец,
Арьсесь: «Афи самаль пялост пади»?