Тонатфне Империяса эрямс

                           Тейнек, тячи эряйхненди

Тонатфне Империяса эрямс,
Ваттама минь пелезь тячить лангс!
Тапафксонзон ёткса эстонь эряфть
Вешенди эсь пяльксонц эса ванфсь…

Аф кунара нинге ся Россиясь
Аньцек вярьгак каннекшнезе прянц!
Содаськ минь: инь мазысь сон и виись! –
Верозонк сувафтозе сонць тянь!

Сяс, мъзярда пингонь кяжи вармась
Прафтсь Россиять ваймос цяряхман,
Келептсь курга инголенза калмось…
Эводеме – прась плманжа лангс!

И юмась минь эрьгав кемошиньке,
Кона эсонк эряфть эзга вятсь.
Тёжянь  кис срадсь эзк и марстонь киньке –
Пяк ни лафчель вядьмонь кирди кядсь!

Тонатфнень Империяти кемамс,
Тапамазь ся пингонь стака канкссь.
Аньцек сяка од Россиять Лемоц
Кеподема – тейнек! -  од кить лангс!