Тейнь питни казнекс фалу улихть

***
Тейнь питни казнекс фалу улихть
Тундась и эрьгав шадоведсь,
Мзярда седись шави гулекс —
Тейнь пара валда сельмоведьс.

Эрь ломанть сонцень шачем модац,
И мезьса павазть тянь ункстамс?!
Сяс тейнь аф шарьхкодеви, кода
Эзк кадомс родинать, юкстамс!

Катк корхтайхть: тоса сембось сатни,
Кши касфты цють аф сонць умась…
Ня туйхне меле прязост фатнихть,
Но аф мрдафтови юмафкссь.

Тя менельть эзда пакш аф керомс.
Сон ару, кода идень он.
Россиясь моньфтомонга эряй,
А кода соньфтомонза мон?!