Соловки - салаф ки...

Соловки - салаф ки.
Мон аф шарьхкодьса вестьке мзярдонга:
Кинь тя кись? Мес кяшсь шись?
Мес аф лотксихть тонь сялдомдот?

Вов тя вирсь, якшам ширсь
Синди-мянди мянь пичетнень эсовок.
Мзяра кяж модась кирдсь!
Мзяра вер симсь! Ся версь миньге эсонок!

Моргу шрась. Лопась прась.
Кизось тусь. Азорксшись сёксеть кядьса ни.
Бзора од кузнясь
Курок ловтяштень стадатнень тердьсыне.

Мон уян. Мон туян
Тоза, коса монь сялдсамазь, кельгсамазь.
Од кит-ятт мон муян,
Тоса тяштенясь пееди - аньцек монь.

Соловки - салаф ки,
Саван ли мзярдонга тяза тага весть?!
Улель кши, Каргонь кить
Ланга ётамс мондейнь лезды онфтом весь.

Соловки - салаф ки,
Мон мрдафтте тонь мялямсон, седисон.
Няйса ни куду кить,
Келу лопась прась видеста кядезон.