Ськамон

Мон съкамон, тон арьсят, аф павазуван мон.
И мес, арьсят, тейне тянь эзда стака пяк?
Кунара тонадонь тяфтама эряфти мон.
Шитне фкя-фкянь мельге молихть — тефне тякотне.

Пингсь моли, кизотне курокста лиихть,
Полафтови сембось, эряфозе ётай...
Мезе аньцек ётаф пинкне аф тиихть?
Няине, кода ломанть павазоц вакска ётай.

Тяфта ульсь и мархтон, мон маятань.
Сюдоф кельгомать эзда пяк сярядень,
Но тя сембось илядсь фталу, аш пелема.
Мон кунара лоткань кельгомдот...

Тя стака ёжмарямась содаф тейне лац.
Исяк тянь эзда сярядень, тячи — сетьмонь.
Кельгомань сталмотне мяштьсон илядсть.
Синь вятихть эсь седистон вешемс сетьмоть.

Кивок тейне аф эряви. Монцьке киндиге аф эряван.
Улема, лацкас киньге кельгомс мон тяни аф кенерян.
Но тянкса мон тяни аф пелендян, аф ризнан,
Сембонь эзда юмазь, мокшень ваймосон эрек улян.