Шобда ширеса

Пеель кядьсот — тя аф аралай тонь эсот.
Лама мезе учи эсот тона песа.
Тя аф эряф, тя — оцю тюрема.
Эряви улемс сяькикс, лиякс — кулома.

Аньцек ушедсь сембось — версь изь эряв верозт,
Тя нинге ушеткс, пара — пильгце аф пяк керовсь.
Куломась якай вакссот, фкя аф виде аськолкс — кулат,
Кодамовок лезкс киньге эзда аф муят.

Куломать мархта марса эряй пелемась.
Кивок живста ашезь ушеда кельмома.
Ватт пильгалот, ватт эсь мельгат, анок,
Вакссот пелькссь, коза тон аф ванат.

Тюрьхть, мольхть инголи, тят вана фталу,
Пелемась тейть шоряй, уски эсот алу.
Катк сембось сяряди и пилькне аф кирдихть,
Но тюрьхть пети молемс, мзярс седись кирди.

Курок тя ётай и юкстави, кода кальдяв он,
Кда тя шобда ширесь ашензе эвфте тонь.
Тяни содасак, лац ётавихть сталмотне,
Мольхть инголи, катк фталу илядыхть калмотне.