Россиянь Солдатти

О, Родинай!  Панжендсть тонь саттне,
И эрьгада пяшксель тундась,
Но кепсесть атакав солдатне,
Хъть пулятне паксять инзасть.

О, Родинай! Сидеста улендсь:
Од цёратне лама исть сяв
Тя эряфста – прафнезень пулясь,
И меки кържа  эздост стявсь.

О, Родинай! Сянкса тят обжав,
Мес куломстост шачема вастть
Синь тернекшнезь вастозот, тошкасть
Кой-коста аф рузкс лямбе валхт:

«Россиясь – аф пефтома пакся,
А ся – мезе эряфсон ульсь.
Россиясь – монь седизень ваксса
Эсь кудозе, марлюфне, пульсь…»  

О, Родинай! Панжихть тонь саттне,
И кеняртьфти ваймоть тундась,
Но эрявксты – стяйхть од солдаттне,
Въдь мельгаст эсь кудсна – странась!