Пингть вармац тяшттнень вельхкска лии...

Пингть вармац тяшттнень вельхкска лии
И модать лангста масторхт штай…
И пели эздонза Россиясь –
Ся, кона кадозе весть Шкайть.

Шкай куттне сенем менельть ала
Тя масторть эса ламос ванфтсть:
Сяс мялямть пиземонза валыхть
Аф сокаф паксять ваймонц лангс.

Шкай куттнень пряста ёрдаф пайкнень
Тя паксять ланга валсна срадсь:
Эрь ошть и велеть вельхксса кайгихть
И тейнек азондыхть, мес мадсть

Россиять вельхксса сери тяшттне,
Аф сонь мес паксянзон лангс ванць
Ся Идись, Конань колга тяштьфоль,
Христоссь, Шкайть Цёрац –  Эрек Валсь!

А тяни ризфонь кядьгоц пяшкодсь:
Эрь тевонц инкса питне пандсь,
Мезсь кядьстонк норкфоль, эздонк кяшфоль
Лиссь аньцек сокаф паксять лангс.

И курок, эреклафсь и виись,
Кунардонь видьмось ваймос прай:
И кядьта сявсы од Россиять
И лихтьсы паластонза Шкайсь!