Пичефксу азкс
Марфуш аказе лувондозе эсь прянц пяк павазу ломанькс.
— Ломаттнень нява мзяронь идьсна, а сиредембяльхть лядсть шава кудс, — корхнекшнесь эрь мезне.—Дёршань Алдать шабадонза кафкса мянь, а ськамонза куфксни-пуфксни. Аш корхтай ялгац, аш кружка ведень венептиец. Чапур аваньге кота иденза, а вакссонза фкявок аш. Учт, мзярда сайхть ошста.
А Марфуш шачфтсь цёра, да удалафтозе: хуш фкяня-тяконя, да эряй вакссонза. Марфушень колма уноконза, баярава рьвяняц. Молихть пиравама, Марфуш аказе комоти гармониять инголи кштима-морама:
Вай, комотень кштима,
Кравул, пильгалозе пись.
Вакссон ащи рьвянязе,
Кода вирень инезись.
Кямоняне покайхть,
Ронгонязе тары.
Кельгома рьвянязе
Перьфкан шиньберьф шары.
Морсян, кштиян топодемс,
Весялготкшнян шоподемс
Фалу эрян тяфта,
Удалаф рьвяня мархта.
А тоса кеподьсыне вяри кядензон и цяпазь морай:
— Опа! Опа!
Рьвянязе золод лопа.
Сединязе солай,
Мзярда сон кшти-морай.
Листе, рьвяня, морама,
Вайгяльняце - торама.
Эрька нинге вестьке,
Сединязень петьке.
Наста рьвяняц, — кит-кит-кит, — рахай. А меле сонга максы вайгяль:
— Ваток Марфа Яхимовна! Ваносте, аванят, кода нинге ронгонц тарфтсы. Од стирти тяфта аф сафтови. Ату коль пеняцяй - сярядян, Гришазень ваксс пинге тумс.
— Ожука, рьвяня, хуш кштиян-моран топодемс, павазу эряфкязень шнакшнеса.
Марфуш аказень мирдец кулось рана. Эрясть миртть-рьват кальдявста. Комлявста кудсост азорсель эзназень кувалдашка мокшендац. Сяс, мзярда аля ваймоц кулось, аказе оцю ризфс ашезь прашенда. А кодак рьвяяфтозе цёранц, эряфоц и ёфси кода вайня ланга тусь. Лиси аказе стадав траксонь панема и сик морей:
Тядянязе шачфтомань,
Крька Гришати максомань.
А сон седизон изь педь,
Лама прафтонь сельмоведь.
Тяни моразь эрян,
Кинь эздовок аф пелян.
Тиян, мезе мялезе,
Оржамсь ношка кялезе.
— Гришарясь, мезе тетьксесак, эрь шобдаваня кргапарьцень? — кизефнесазь велеряй аватне.
— Катк Гриша марясы, конашкава соньфтомонза цебярьста эрян, — отвечай аказе.
Аватне лангсонза ктордыхть, а сон куликска аф тии.
Сиредембяльхть Марфуш аказень коста-кати воражамань, картаса содамань асувоц эвондась. Срафтсыне шра лангс картанзон, куляксай:
Картане, не врите,
Видеть-правдать скажите:
Кинь эзда юмась-арась Полда сельме Варась.
И вдь ломаттне сашендсть лезксонкса бабати. И пароняцка, корхтайхть, ульсь.
Митрёжерять рьвяняц и шамас, и ронгс удалафоль. Аф стак Эльде велень цёратне тюрендсть инксонза. А сатовсь Митрёжень Васяти. Рьвакс лисемда меле и содавсь: од рьвянясь алонза чурай, эрь шиня вастонц лопафнесы.
—Аф ли свадьбаса рьвянязень сельмодезь, — ризнай Митрёжерясь. — Няк, мзяроль оттнень лангс сельмонь каяйда.
Сась Марфуш аказти. Лезтт, кле, рьвянязти. Бабась и картаса содай, и ведня уфай, и ямкст-комлят прянц вельфке шарфни. И вдь лоткась од рьвянясь вастонь лопафнемда.
Кода-бди весть сась пялонза Ларькань Васярясь:
— Тракскяньконь веньгучкать пирьфстонк лихтезь, Марфакай. Колма алят кудсонк, а жуватанясь ашезь ванфтов, — аварди.
— Вай-ай! — таргазе Марфуш аказе. — Месендихть тяни ломаттне. Ширдень ломатть траксцень инкса афольхть са, кие-бди тястоконь обжайце.
— Монга стане арьсян. Срафтолите картатнень, Марфакай. Пади, мезе-мезе азольхть.
— Пелян, пикссесамазь оржа кялезень инкса.
— Марфакай, киндивок аф азонтте, — эняльдсь Васярясь.
Аказе срафтозень картанзон и ушедсь охиема-вахиема.
— Мезе няеви, Марфакай? — кизефтезе авась.
— Траксце, стирняй, афоли каршяряйцень ширеса?
— Кинь? Аф Сёмалаень?
— Пади, и Сёмалаень. Картатнень лангс, сазорняй, аф прозвищат, аф лепт апак сёрматт. А тон эряскотт, эряскотт, ату тракскяцень палнядонзовок аф анттядязь.
Ларькань Васярясь, мярьгат, цинзерста мянць. Аф куду, а видеста Чакувонь Сёмать пяли ласьксь. Васьфтемонза лиссь кудазорсь.
— Лихтьк, макск, мрдафтк...
— Мезе мархтот, Васюта? Мезе мрдафтфтат? — абонкшни каршяряец.
— Ме-е-зе-е, кизефнят? Ату аф содасак.
— Аф. Мезнявок аф содан.
— А...а...а... аф содат. Сичас ласькан милицияв.
— Местема ласькат?
— Местема ласькан... мезенди тракскязень веньгучкать пирьфстон лихтить?
— Тон лац ащат, пяляз тишеда ашеть ярхца?
— Ашень ярхца... А траксозе кардсон улеза! Тон, афтерькс, салайть!
Псинянц пачк авать мянць кялец:
— Марфушень картанза няфтезь: тон салайть оржа сюронязень.
— Ха-ха, ха, — рахазевсь Сёмалай. — А сянь содасак, бабась прянц мархта кунара аф ялгафни, вов и тапай месть-повсь.
— Ашезь лисе ёньда. Семботь лац-ряц азондозе. Саты мархтот кялень шовсемда, аф базарсотама. Молян «якстерь сивотненди».
Васярясь ёрась ни тумс. Сёмалай ванцы — аф тефт, лоткафтозе:
— Ожука, Васюта. А пади, видекс траксце пирьфсон. Аф арни?
— Вазыяма учсеса.
— Ату ётай ковть лисень пирьфозон, буказень ваксса тракс. Жуватась арнема кеподсь и ворьгодсь азоронзон эзда.
— Моннесь аф ворьгодеви, кда аф лездомс. Кафта олгоняса кенкшкязе сёлкфоль.
Сёмалай Васютань мархта сувасть пирьфи. Авать траксоц сотнефоль пикскаса столбати. Васярясь аф азовомшка кенярдсь:
— Вай, Милканязе, вай, тракскязе, вай, тряйнязе, — ушедсь вадерямонза жуватанц.
— Мезевок аф шарьхкодян, — тись абонтф шама Сёмалай. — Коста тракссь сявовсь?
— Ату аф содасак?! Дураконякс тят тиенде, содате - кият. Шкайсь ванолезе кальдявда-зиянда Марфанять, максоза кувака эряфкя. Кда аф сон, жуватаяфтолемайть, ворбетля.
Тя кулясь вишкста срадсь велеть эзга. Ломаттне аньцек охиесть да ахиесть. Сёмалай пяк кяжиель аказень лангс. И ашезе юкста пандомс кяженц сиреняти. Шобда илять бабась мольсь церькавста куду. Каршезонза сась кодама-бди ломань. Аф содафсь маладсь сиреняти и кодак керозе мокшендаса курга ланга. Бабась кармась пешкоткшнема. Лиссть кудста ломатть, а обжаец кенерсь ворьгодемс.
— Кие пикссензе? — кизефтезь велеряенза.
— А кати, — отвечась эвотьф бабась.
Хуш и кядьтовок алять ашезь кунда, шарьхкодезь: кальдяв тевть тиезе Чакувонь Сёмась. Аказе пяк эняльдсь, штоба иденза афольхть моле милицияв.
— Грехсь конашка, — мярьгсь сон. — Кати Сёма мокшенданц никсафтозе, кати кивок лия. А отвечама тонашиса тянкса тейне.
Кафтошка недяля Марфуш аказе рязондсь васта лангса. Трванза копшакс таргозсть, аф корхтави, аф ярхцави. А Ларькань Васярясь нльне варжамонзовок ашезь са.
Мзярда Марфуш аказе пчкясь, Андю цёрац най рахсель лангсонза. Ушеды работама тума, тядянцты корхтай:
— Срафтыте картатнень, Яхимовна!
— Мезенди, цёрай?
— Кода мезенди? Содасак, пови тячи тейне али аф?
— Пови, пови... Картафтомонга содаф, эрь шиня комлявняста саят.
Корхтамазост шоворсь Андюрясь:
— Саты бабать лангса рахсеть. Саят тячи копордафста - кудувок аф нолдате.
— Аф нолдасамак. Тядязе нолдасамань. Стане вдь, тядяй?
Марфуш аказе ушедсь ктордома:
— Саты прязень шаракофнемс, архт ни покодема.
Вов тяфта и эрясь аказе лама, лама пинге. А тоса чакась кенкшезост зиянць, кулось цёраняц-тяконяц. Куломдонза меле рьвяняцка казямгодсь, мярьгат, афи ся Настась, инезиста сяпи пизелксокс арась. Изгорды и изгорды, анзяй бабать лангс, сюци эсонза, хуш кудть катк.
Мирденц куломда меле Наста «сяпинять» мархта кармась ялгаф - нема. Копорясь аф ськамонза, а ялганзон мархта. Пуромихть авань келеса копоряма, шоподемс пиравакшнихть. А комлявста и кштийхть-морайхть. Марфуш аказе аф весть тяряфнесь визделгофнемс рьвянянц.
— Аф пара, рьвяня, тяфта тиендемс удаватненди, мирдцень ловажацка нинге ашезь кенере кельмомс, а тон гульбат водендакшнят, эрь шиня кштият-морат. А вдь кодама цебярьста Андювонь мархта эряде, сембе велесь кайсесь лангозонт сельме.
— А мезе тяни... тееньге мельганза тума, што ли?! Одан нинге, тейне эрямс эряви. Монь тевсь: мезе мялезе, сянь и тиян, кинь мархта мялезе, сянь мархта пираван. А тон шалхкцень ков аф эряви тяк эцсе, ату мокшендазень никсасы.
Марфуш аказе аварьгодсь. Да и цёранц куломдонза меле сельмоведенза ашесть коськонде мзярдовок. Ризфть и рьвянянц лима-сюнокс прянь вятеманц эзда сиренясь ёфси пульзясь, лоткась васта лангста стякшнемда. А Наста содась пиравсесь да морсесь:
Залётказе модаса,
Ранакиге кадомань.
Месендемс, аф содаса,
Пяту рьвакс ювадемань.
Опа! Опа!
Пидень пача стопа.
Тердьса Пятунь ярхцама,
Ярмаконзон карьхцяма.
Марфуш аказе тага нолдазе шуваня вайгяленц:
— Осподикай, мувсь «жанифсь». Косот шта Пятувонь ярмаконза? Шинь-шинь якай вачеда, тяса андсазь, тоса кандыхть. Кда ни тонь ярмакнень карьхцясыне.
Наста крьвязсь. Юпадсь вастстонза и тага ушедсь морама:
Тячи тага сире кранчсь Конек лангса сельмот панчсь.
Тейне воля кадоза,
Очижис урадоза.
Бабаев нинге сядонга кайгиста аварьгодсь:
— Кулан, кулан, кадан тейть воляня. Пяту кадок озафтсы седицень.
Сась Очижись. Пуромсть Настань копоряй ава ялганза. «Ха-ха-ха» да «ха-ха-ха» — бабать лангса.
— Наста, мярьготь, бабась Очижис кхадьсы, — мярьгсь Кяльге Анезсь. — А сонь думоцка аш. Вдна, лац мельганза якат.
— Верондамасть, аванят, бабась нинге аф кулы, — поладозе Ступкань Колярясь. — Щёкапрянза крфайхть, кода од стирень, аш фкявок срмафкскац.
Ётась Очижись. Кизоняти, лямбоняти Марфуш аказевок сяда эреклась. Саворне кармась лисендема ульцяв, ялганзон ёткс якама. А вов рьвяняц кати копорямати, кати мезенкса лиянкса, ёфси осалгодсь, коськома ушедсь.
— Аф цебярь урма ланган ётай, бабать сюдоманза пачкодсть, — анзясь Наста. — Сонць эреклась, а мон пульзянь.
Марфуш аказе и озонды, и аварди:
— Верондамак, рьвяня, аш кодамовок грехкязе...
Бабась и ведня уфай, и молитват вельхкссонза морафты. Аньцек тя ашезь лезда. Наста прась васта лангс. Мельганза якайкс арась Марфуш аказе. А копоряй ава ялганза юкстазь тя шири китьке. Сиренясь тага арась теенза инь мала ломанькс, ужяльдикс и корхтай ялгакс. Настань иденза састь ошета, ванозь тядяснон и меки тусть. А авозти ужяль рьвяняц. Хуш и мекольдень пингть обжсезе, а сяка Настада цебярь кивок аш. Озай аказе рьвянянц малас, сюдерясыне шяярензон, сонць, кода ёмла шабанди, морай пичефксу мора:
Маттака, рьвянязе,
Шобдавас крфак.
Сяконя монь мяльнязе:
Вандыть самс пчкак.
Лацкас ёталь веняце,
Ацан ару алкс.
Рьвянякай, тят пеняця,
Сире клдомть лангс.
Корхнекшнень, рьвянякай,
Мон тондееть фланке:
Сими авать питнец —
Фкя сюлека панке.
Кинь лангс тяни пеняцямс,
Кие сюцемс, азк?
«Сяпись» сатсы пеняцень,
Прважатанза лазксс.
Корхнень, ашеть кулхцонда,
Симоть мезьда-повсь.
Пенсиязень пульхкондить,
Ашить сатфне ковс.
Тяни, пади, каендат,
Эряфце аф медь.
Эсь кургозт аф кандови
Пяле кружка ведь.
Тяни Эльде велеса,
Корхтайхть колганк всякайкс:
Кафксогемонь кизоса,
Аф ладян мельгат якайкс.
Удок, удок, Настанязе,
Тю-тю-лю-лю-бай.
Прянь шнафтома вастонязе
Вандыть самс пчкяй.
Весялгоды шаманяц,
Кеподевихть кяднянза,
Сире авозь-бабанянц
Коськихть сельмоведнянза.
Аделазе Марфуш аказе пичефксу ольксеманц, варжакстсь рьвянянц лангс, а сянь шамаванза шудерьксокс шудихть сельмоведенза. Лангозонза ванозь аварьгодсь бабаське. Шарьхкодсть кафцьке: фкя-фкянди синь пяк мала ломатть.
— Ломаттнень нява мзяронь идьсна, а сиредембяльхть лядсть шава кудс, — корхнекшнесь эрь мезне.—Дёршань Алдать шабадонза кафкса мянь, а ськамонза куфксни-пуфксни. Аш корхтай ялгац, аш кружка ведень венептиец. Чапур аваньге кота иденза, а вакссонза фкявок аш. Учт, мзярда сайхть ошста.
А Марфуш шачфтсь цёра, да удалафтозе: хуш фкяня-тяконя, да эряй вакссонза. Марфушень колма уноконза, баярава рьвяняц. Молихть пиравама, Марфуш аказе комоти гармониять инголи кштима-морама:
Вай, комотень кштима,
Кравул, пильгалозе пись.
Вакссон ащи рьвянязе,
Кода вирень инезись.
Кямоняне покайхть,
Ронгонязе тары.
Кельгома рьвянязе
Перьфкан шиньберьф шары.
Морсян, кштиян топодемс,
Весялготкшнян шоподемс
Фалу эрян тяфта,
Удалаф рьвяня мархта.
А тоса кеподьсыне вяри кядензон и цяпазь морай:
— Опа! Опа!
Рьвянязе золод лопа.
Сединязе солай,
Мзярда сон кшти-морай.
Листе, рьвяня, морама,
Вайгяльняце - торама.
Эрька нинге вестьке,
Сединязень петьке.
Наста рьвяняц, — кит-кит-кит, — рахай. А меле сонга максы вайгяль:
— Ваток Марфа Яхимовна! Ваносте, аванят, кода нинге ронгонц тарфтсы. Од стирти тяфта аф сафтови. Ату коль пеняцяй - сярядян, Гришазень ваксс пинге тумс.
— Ожука, рьвяня, хуш кштиян-моран топодемс, павазу эряфкязень шнакшнеса.
Марфуш аказень мирдец кулось рана. Эрясть миртть-рьват кальдявста. Комлявста кудсост азорсель эзназень кувалдашка мокшендац. Сяс, мзярда аля ваймоц кулось, аказе оцю ризфс ашезь прашенда. А кодак рьвяяфтозе цёранц, эряфоц и ёфси кода вайня ланга тусь. Лиси аказе стадав траксонь панема и сик морей:
Тядянязе шачфтомань,
Крька Гришати максомань.
А сон седизон изь педь,
Лама прафтонь сельмоведь.
Тяни моразь эрян,
Кинь эздовок аф пелян.
Тиян, мезе мялезе,
Оржамсь ношка кялезе.
— Гришарясь, мезе тетьксесак, эрь шобдаваня кргапарьцень? — кизефнесазь велеряй аватне.
— Катк Гриша марясы, конашкава соньфтомонза цебярьста эрян, — отвечай аказе.
Аватне лангсонза ктордыхть, а сон куликска аф тии.
Сиредембяльхть Марфуш аказень коста-кати воражамань, картаса содамань асувоц эвондась. Срафтсыне шра лангс картанзон, куляксай:
Картане, не врите,
Видеть-правдать скажите:
Кинь эзда юмась-арась Полда сельме Варась.
И вдь ломаттне сашендсть лезксонкса бабати. И пароняцка, корхтайхть, ульсь.
Митрёжерять рьвяняц и шамас, и ронгс удалафоль. Аф стак Эльде велень цёратне тюрендсть инксонза. А сатовсь Митрёжень Васяти. Рьвакс лисемда меле и содавсь: од рьвянясь алонза чурай, эрь шиня вастонц лопафнесы.
—Аф ли свадьбаса рьвянязень сельмодезь, — ризнай Митрёжерясь. — Няк, мзяроль оттнень лангс сельмонь каяйда.
Сась Марфуш аказти. Лезтт, кле, рьвянязти. Бабась и картаса содай, и ведня уфай, и ямкст-комлят прянц вельфке шарфни. И вдь лоткась од рьвянясь вастонь лопафнемда.
Кода-бди весть сась пялонза Ларькань Васярясь:
— Тракскяньконь веньгучкать пирьфстонк лихтезь, Марфакай. Колма алят кудсонк, а жуватанясь ашезь ванфтов, — аварди.
— Вай-ай! — таргазе Марфуш аказе. — Месендихть тяни ломаттне. Ширдень ломатть траксцень инкса афольхть са, кие-бди тястоконь обжайце.
— Монга стане арьсян. Срафтолите картатнень, Марфакай. Пади, мезе-мезе азольхть.
— Пелян, пикссесамазь оржа кялезень инкса.
— Марфакай, киндивок аф азонтте, — эняльдсь Васярясь.
Аказе срафтозень картанзон и ушедсь охиема-вахиема.
— Мезе няеви, Марфакай? — кизефтезе авась.
— Траксце, стирняй, афоли каршяряйцень ширеса?
— Кинь? Аф Сёмалаень?
— Пади, и Сёмалаень. Картатнень лангс, сазорняй, аф прозвищат, аф лепт апак сёрматт. А тон эряскотт, эряскотт, ату тракскяцень палнядонзовок аф анттядязь.
Ларькань Васярясь, мярьгат, цинзерста мянць. Аф куду, а видеста Чакувонь Сёмать пяли ласьксь. Васьфтемонза лиссь кудазорсь.
— Лихтьк, макск, мрдафтк...
— Мезе мархтот, Васюта? Мезе мрдафтфтат? — абонкшни каршяряец.
— Ме-е-зе-е, кизефнят? Ату аф содасак.
— Аф. Мезнявок аф содан.
— А...а...а... аф содат. Сичас ласькан милицияв.
— Местема ласькат?
— Местема ласькан... мезенди тракскязень веньгучкать пирьфстон лихтить?
— Тон лац ащат, пяляз тишеда ашеть ярхца?
— Ашень ярхца... А траксозе кардсон улеза! Тон, афтерькс, салайть!
Псинянц пачк авать мянць кялец:
— Марфушень картанза няфтезь: тон салайть оржа сюронязень.
— Ха-ха, ха, — рахазевсь Сёмалай. — А сянь содасак, бабась прянц мархта кунара аф ялгафни, вов и тапай месть-повсь.
— Ашезь лисе ёньда. Семботь лац-ряц азондозе. Саты мархтот кялень шовсемда, аф базарсотама. Молян «якстерь сивотненди».
Васярясь ёрась ни тумс. Сёмалай ванцы — аф тефт, лоткафтозе:
— Ожука, Васюта. А пади, видекс траксце пирьфсон. Аф арни?
— Вазыяма учсеса.
— Ату ётай ковть лисень пирьфозон, буказень ваксса тракс. Жуватась арнема кеподсь и ворьгодсь азоронзон эзда.
— Моннесь аф ворьгодеви, кда аф лездомс. Кафта олгоняса кенкшкязе сёлкфоль.
Сёмалай Васютань мархта сувасть пирьфи. Авать траксоц сотнефоль пикскаса столбати. Васярясь аф азовомшка кенярдсь:
— Вай, Милканязе, вай, тракскязе, вай, тряйнязе, — ушедсь вадерямонза жуватанц.
— Мезевок аф шарьхкодян, — тись абонтф шама Сёмалай. — Коста тракссь сявовсь?
— Ату аф содасак?! Дураконякс тят тиенде, содате - кият. Шкайсь ванолезе кальдявда-зиянда Марфанять, максоза кувака эряфкя. Кда аф сон, жуватаяфтолемайть, ворбетля.
Тя кулясь вишкста срадсь велеть эзга. Ломаттне аньцек охиесть да ахиесть. Сёмалай пяк кяжиель аказень лангс. И ашезе юкста пандомс кяженц сиреняти. Шобда илять бабась мольсь церькавста куду. Каршезонза сась кодама-бди ломань. Аф содафсь маладсь сиреняти и кодак керозе мокшендаса курга ланга. Бабась кармась пешкоткшнема. Лиссть кудста ломатть, а обжаец кенерсь ворьгодемс.
— Кие пикссензе? — кизефтезь велеряенза.
— А кати, — отвечась эвотьф бабась.
Хуш и кядьтовок алять ашезь кунда, шарьхкодезь: кальдяв тевть тиезе Чакувонь Сёмась. Аказе пяк эняльдсь, штоба иденза афольхть моле милицияв.
— Грехсь конашка, — мярьгсь сон. — Кати Сёма мокшенданц никсафтозе, кати кивок лия. А отвечама тонашиса тянкса тейне.
Кафтошка недяля Марфуш аказе рязондсь васта лангса. Трванза копшакс таргозсть, аф корхтави, аф ярхцави. А Ларькань Васярясь нльне варжамонзовок ашезь са.
Мзярда Марфуш аказе пчкясь, Андю цёрац най рахсель лангсонза. Ушеды работама тума, тядянцты корхтай:
— Срафтыте картатнень, Яхимовна!
— Мезенди, цёрай?
— Кода мезенди? Содасак, пови тячи тейне али аф?
— Пови, пови... Картафтомонга содаф, эрь шиня комлявняста саят.
Корхтамазост шоворсь Андюрясь:
— Саты бабать лангса рахсеть. Саят тячи копордафста - кудувок аф нолдате.
— Аф нолдасамак. Тядязе нолдасамань. Стане вдь, тядяй?
Марфуш аказе ушедсь ктордома:
— Саты прязень шаракофнемс, архт ни покодема.
Вов тяфта и эрясь аказе лама, лама пинге. А тоса чакась кенкшезост зиянць, кулось цёраняц-тяконяц. Куломдонза меле рьвяняцка казямгодсь, мярьгат, афи ся Настась, инезиста сяпи пизелксокс арась. Изгорды и изгорды, анзяй бабать лангс, сюци эсонза, хуш кудть катк.
Мирденц куломда меле Наста «сяпинять» мархта кармась ялгаф - нема. Копорясь аф ськамонза, а ялганзон мархта. Пуромихть авань келеса копоряма, шоподемс пиравакшнихть. А комлявста и кштийхть-морайхть. Марфуш аказе аф весть тяряфнесь визделгофнемс рьвянянц.
— Аф пара, рьвяня, тяфта тиендемс удаватненди, мирдцень ловажацка нинге ашезь кенере кельмомс, а тон гульбат водендакшнят, эрь шиня кштият-морат. А вдь кодама цебярьста Андювонь мархта эряде, сембе велесь кайсесь лангозонт сельме.
— А мезе тяни... тееньге мельганза тума, што ли?! Одан нинге, тейне эрямс эряви. Монь тевсь: мезе мялезе, сянь и тиян, кинь мархта мялезе, сянь мархта пираван. А тон шалхкцень ков аф эряви тяк эцсе, ату мокшендазень никсасы.
Марфуш аказе аварьгодсь. Да и цёранц куломдонза меле сельмоведенза ашесть коськонде мзярдовок. Ризфть и рьвянянц лима-сюнокс прянь вятеманц эзда сиренясь ёфси пульзясь, лоткась васта лангста стякшнемда. А Наста содась пиравсесь да морсесь:
Залётказе модаса,
Ранакиге кадомань.
Месендемс, аф содаса,
Пяту рьвакс ювадемань.
Опа! Опа!
Пидень пача стопа.
Тердьса Пятунь ярхцама,
Ярмаконзон карьхцяма.
Марфуш аказе тага нолдазе шуваня вайгяленц:
— Осподикай, мувсь «жанифсь». Косот шта Пятувонь ярмаконза? Шинь-шинь якай вачеда, тяса андсазь, тоса кандыхть. Кда ни тонь ярмакнень карьхцясыне.
Наста крьвязсь. Юпадсь вастстонза и тага ушедсь морама:
Тячи тага сире кранчсь Конек лангса сельмот панчсь.
Тейне воля кадоза,
Очижис урадоза.
Бабаев нинге сядонга кайгиста аварьгодсь:
— Кулан, кулан, кадан тейть воляня. Пяту кадок озафтсы седицень.
Сась Очижись. Пуромсть Настань копоряй ава ялганза. «Ха-ха-ха» да «ха-ха-ха» — бабать лангса.
— Наста, мярьготь, бабась Очижис кхадьсы, — мярьгсь Кяльге Анезсь. — А сонь думоцка аш. Вдна, лац мельганза якат.
— Верондамасть, аванят, бабась нинге аф кулы, — поладозе Ступкань Колярясь. — Щёкапрянза крфайхть, кода од стирень, аш фкявок срмафкскац.
Ётась Очижись. Кизоняти, лямбоняти Марфуш аказевок сяда эреклась. Саворне кармась лисендема ульцяв, ялганзон ёткс якама. А вов рьвяняц кати копорямати, кати мезенкса лиянкса, ёфси осалгодсь, коськома ушедсь.
— Аф цебярь урма ланган ётай, бабать сюдоманза пачкодсть, — анзясь Наста. — Сонць эреклась, а мон пульзянь.
Марфуш аказе и озонды, и аварди:
— Верондамак, рьвяня, аш кодамовок грехкязе...
Бабась и ведня уфай, и молитват вельхкссонза морафты. Аньцек тя ашезь лезда. Наста прась васта лангс. Мельганза якайкс арась Марфуш аказе. А копоряй ава ялганза юкстазь тя шири китьке. Сиренясь тага арась теенза инь мала ломанькс, ужяльдикс и корхтай ялгакс. Настань иденза састь ошета, ванозь тядяснон и меки тусть. А авозти ужяль рьвяняц. Хуш и мекольдень пингть обжсезе, а сяка Настада цебярь кивок аш. Озай аказе рьвянянц малас, сюдерясыне шяярензон, сонць, кода ёмла шабанди, морай пичефксу мора:
Маттака, рьвянязе,
Шобдавас крфак.
Сяконя монь мяльнязе:
Вандыть самс пчкак.
Лацкас ёталь веняце,
Ацан ару алкс.
Рьвянякай, тят пеняця,
Сире клдомть лангс.
Корхнекшнень, рьвянякай,
Мон тондееть фланке:
Сими авать питнец —
Фкя сюлека панке.
Кинь лангс тяни пеняцямс,
Кие сюцемс, азк?
«Сяпись» сатсы пеняцень,
Прважатанза лазксс.
Корхнень, ашеть кулхцонда,
Симоть мезьда-повсь.
Пенсиязень пульхкондить,
Ашить сатфне ковс.
Тяни, пади, каендат,
Эряфце аф медь.
Эсь кургозт аф кандови
Пяле кружка ведь.
Тяни Эльде велеса,
Корхтайхть колганк всякайкс:
Кафксогемонь кизоса,
Аф ладян мельгат якайкс.
Удок, удок, Настанязе,
Тю-тю-лю-лю-бай.
Прянь шнафтома вастонязе
Вандыть самс пчкяй.
Весялгоды шаманяц,
Кеподевихть кяднянза,
Сире авозь-бабанянц
Коськихть сельмоведнянза.
Аделазе Марфуш аказе пичефксу ольксеманц, варжакстсь рьвянянц лангс, а сянь шамаванза шудерьксокс шудихть сельмоведенза. Лангозонза ванозь аварьгодсь бабаське. Шарьхкодсть кафцьке: фкя-фкянди синь пяк мала ломатть.
Жанр: Рассказ
Автор: Илья Вешкин