Ода эряфти

Мон эряфть эзда ашень сизе!
Катк сёксесь вяти лия мяльс,
И кизень ваксса начка пизелкссь
Аф эжди толса прокс крьвязсь.

И ашет мархтон тячи каркне,
Од лямбе масторс конат валгсть,
Но вармась моростост тейнь арфты
Сай пингонь павазть колга валхт.

Катк ваймоть эзга валсна ётайхть
И эждьсазь эсонза эрь мяльть,
И валдсост поксордасазь ётафть
И семботь, ваймозон мезсь тяльгсь.

А тоса пижелдыхть тундатне
И сёксень толти васта аш,
Сяс тейнь  аф  кармайхть ялгакс сятне,
Кинь мяльсна Эряфть кельгомс  маштсь!

Мон эряфть эзда ашень сизе!
Катк сёксесь паксязон ни валгсь,
И кизень ваксса якстерь пизелкссь,
Ловть ала коцазь, штатолкс палсь.