Мора тядязти

Тядяй, мархтот кудсь най лямбе,
Анок инжиень примамс,
Тячи пуромоме сембе,
Тейть аф макстама ризнамс.

Тядяй, коста валхнень сявомс,
Сединь петемс улельхть тейть?
Валда зарясь палы лемозт,
Панчфне пильгозт сюконяйхть.

Зрнянь кяттне, тядяй, мяляфтсть
Кельгом шабат, стака тефт.
Фалу корхнеть: "Идняй, мяляфтк,
Седисот тят кирне кефт... "

Кудсонк мокшень морось кайги,
Идень вайгяльхне цинняйхть.
Кенкшне панжадот эрь сайти,
Ризфцень штасазь ару ляйхть.

Кадок улихть лофт и пизепт,
Мани шит и панжи сатт.
Нинге лама-лама кизот,
Тядяй, мархтонок илятт!