Монь тона эряфозон тон илядоть...

Монь тона эряфозон тон илядоть,
Идьксшизень мархта яла онцтон няйхте.
Тон тейне питнефтома казне кадоть,
Но ëтксонк - марнек масторлангонь ляйхне.

Аф матрайхть эсон якшам ширдень лофне,
Монь эсон эендафни кельме пиземсь.
Най сëксеннет кемгафтувоксне кофне,
Аф кадондсамань вестьке ваймонь сизефсь.

Монь тона эряфозон тон илядоть.
Тейть тоса пара. Тоса лямбе. Киза.
Минь ëтксонк кида-вайгяльбеда - сядот,
Но весть аф васьфни кицень мархта кизе.