Мон мокшан, мокшень кяльса корхтан

Мон эрян мокшень масторть эльса
И тапан эзганза киня.
Мон корхтан тядянь-авань кяльса,
Таньф марян эздонза кшинянь.

Эсь кяльсон мяльне азомс локат,
–Азф валне лиихть модать вельф,
–Крхкаста валксонь паксянц сокан,
Сон тейне седишкава келькф!

Минь мастор лангсонк кяльда лама,
–И аф фкя эздост синь юкстаф!
–Но моннесь шиса! – мон аф ськамон,
Сон ломань кяльхнень ёткс сюлмаф.

Ужяль, сонь ванфтомац, няк, стака,
Мзяра валняц кяльстонк прась!
Синь, кода салмокст тише капас,
Минь ёньцтонк сембе пингс юмасть.

Неушта валксонь арзяц шами?!
–Тя кизефкссь матрай, кевкс люпштай.
Мзярс шисан, Сон аф юкстави,
Вдь тейне максозе сонь Шкайсь.