«Мокшень мастор, тонь…»

***
Мокшень мастор, тонь
Келькте кодане!
Улеть седисон
И улят.
Ваймоц цёрацень
Ляпе кодямот,
Ащан инголет штадоньбрят!

Кядьсот ваймозе,
Эсот юрневок.
Кядьсот эряфонь
Лихтибрясь.
Якань ичкози,
Якань юргома:
Колгат лажнамась
Эрек ваймоть трясь.

Оду локстихне
Тердихть ичкози,
Тейст аф шарьхкодемс
Педа-пес,
Мес монь седизе
Ранги, пичеди,
Кодак кеподихть
Вирьхнень вельхксс.

Сянкса киндиге
Тон аф нельговат:
Колгат мяльне валтт —
Эждихть най,
Мокшень мастор, тейть
Оцю кельгомать,
Кона седисон
Горняй толкс юрнай.