Михаил Безбородовти

Поэтсь Россияса аф морай
Сянь колга, мезть аф кельгсы сон.
И шятямс сятнень кис аф ёрай,
Кит кяжда пелезь, сельмот концть…

Тянь колга сёрмадсь нинге Пушкин!
И азозь мельганза тя мяльть
Сят, конат ладясть тейнек Ушеткст
И тейнек казезь мокшень кяльть!

Катк тячи пингонь кельме пиземсь
Синь киснон ваяфты и штай…
Но мельгаст молемста аф сизихть
Сят, конат валдса эряйхть най.

И монга молян киснон ланга –
Мезсь максф мондейне, кандса сянь.
И валда мороса мон андан
Эрь ваймоть, лятфтамок най тянь:

«Поэтсь Россияса аф морай
Сянь колга, мезть аф кельгсы сон.
И арамс сятнень кис аф ёрай,
Кит, кяжда пелезь, сельмот концть…»