Лия вайме

Семботь, мезть мон кельгса —
Эряви срафтомс-калафтомс...
Семботь, мезть колга арьсян —
Эряви маласькофтомс.

Саты мархтон тяфта корхтамс...
Тейть сави визделгодомс-лоткамс...
Мон содаса — тон эздон пелят,
Но мезенди сать минь пялонк?

Мяляфтк, мон аф полафтан мзярдовок...
Аф полафтан, хуш кода кардамак...
Мон ся, кинь кяшендьсы шобдась.
Сяс тейть мархтон корхтамс аш кода.

И монь ламотне аф шарьхкодьсамазь,
Монь эздон пелихть, аф ашкордасамазь.
И най сембода ичкози паньцамазь.
Аф пелян, мяльне монь вяри кандсамазь.

Саты пелемс эздон — курок туян,
Мрдай теест павазсь — мзярда кулан.
Мон лац няйса кяжть синь ширдест,
Тя аерксшить пелемась потмосост кирдьсы...

Сянь, мезть кельгса, кивок аф кельгсы.
Сянь, мезсь мялезон, ломанть эвфтьсы.
Сяс эздон пелихть, хуш эздон кяж аш.
Сяс эздон ворьгодихть, хуш кяжезе матф.

Семботь, мезть мон кельгса —
Эряви срафтомс-калафтомс...
Семботь, мезть колга арьсян —
Эряви маласькофтомс...